न्यूयॉर्क : भारतीय वंशांच्या विद्यार्थ्यांनी अमेरिकेत आपल्या ज्ञानाचा डंका पिटला केला आहे. त्यांनी अमेरिकेतील मानाच्या समजल्या जाणाऱ्या विज्ञान पारितोषिकावर आपले नाव कोरले आहे. यात संगणाकाचे मॉडेल विकसित केल्याबद्दल नील मुद्गल याला अडीच लाखाचे पारितोषिक देऊन गौरवण्यात आले आहे. त्याला रिजेनेरॉन विज्ञान टॅलेंट स्पर्धेत हे पारितोषिक देण्यात आले आहे. अंबिका ग्रोव्हरला सहावे स्थान मिळाले असून तिला 80 हजार डॉलर सिद्धू पचिपाला नवव्या स्थानांवर असून त्याला 50 हजार डॉलरच्या बक्षीसाने गौरवण्यात आले आहे.
लवकर निदान करणाऱ्या मॉडलचा शोध : या स्पर्धेत प्रथम स्थान पटकावलेल्या नील मुद्गल याने संगणकीय जीवशास्त्र आणि जैव सूचना मॉडेल बनवले आहे. त्याचे हे मॉडेल कर्करोग, विषाणूजन्य संसर्गाचे निदान आणि उपचारात्मक औषधांचा विकास सुलभ करण्यासाठी आरएनए रेणूचा शोध घेत असल्याचे सोसायची फोर सायन्सच्या वतीने स्पष्ट करण्यात आले. त्यामुळे रोगाचे निदान लवकर होण्यास मदत होत असल्याचे स्पष्ट झाले आहे. त्यामुळे त्याला मानाचे पारितोषिक देण्यात आले आहे. रेजेनेरॉन फार्मास्युटिकल्सने प्रायोजित केलेली स्पर्धा आयोजित केली होती. सोसायची फाॅर सायन्सच्या वतीने घेण्यात आलेल्या या स्पर्धेत तब्बल दोन हजार विद्यार्थ्यांनी सहभाग घेतला होता. त्यातील फक्त ४० विद्यार्थ्यांची अंतिम फेरीसाठी निवड करण्यात आली होती. त्यात भारतीय वंशांच्या विद्यार्थ्यांनी बाजी मारल्याचे स्पष्ट झाले आहे.
रक्ताच्या गुठळ्या फोडून मेंदूला रक्तपुरवठा करणारे इंजेक्शन : अंबिका ग्रोव्हरने रक्ताच्या गुठळ्या फोडून मेंदूला रक्त प्रवाह नियमित करुन पीडितांवर उपचार करण्यासाठी इंजेक्शन करण्यायोग्य मायक्रोबबल विकसित केला. त्यामुळे अंबिका ग्रोव्हरला ८० हजार डॉलरचा पुरस्कार देऊन गौरवण्यात आले. तर सिद्धू पचिपालाने रुग्णाच्या आत्महत्येच्या जोखमीचे मूल्यांकन करण्यासाठी मशीन लर्निंगचा वापर केला. रुग्णाच्या जर्नलमधील नोंदींचे विश्लेषण करून एखाद्या व्यक्तीच्या लेखनातील शब्दार्थ त्यांच्या मानसिक आरोग्याशी आणि आत्महत्येच्या जोखमीशी संबंधित असल्याचे मॉडेल सादर केले. त्यामुळे त्याला ५० हजार डॉलरच्या पारितोषिकाने सन्मानित करण्यात आले.
रेजेनेरॉनच्या अध्यक्षांनी केले विद्यार्थ्यांचे अभिनंदन : रेजेनेरॉनचे अध्यक्ष जॉर्ज यँकोपॉलोस यांनी 1976 मध्ये विज्ञान प्रतिभा शोध विजेतेपदाचे पारितोषिक पटकावले होते. त्यांनी या विद्यार्थ्यांचे अभिनंद केले. या वर्षीच्या विद्यार्थ्यांमधून भावी शास्त्रज्ञ, अभियंते आणि होण्यासाठी प्रेरणा मिळेल, असेही त्यांनी यावेळी स्पष्ट केले.
हेही वाचा - NASA Captures Star On Cusp Of Death : मृत्यूच्या उंबरठ्यावरील तारा नासाच्या दुर्बिणीत झाला कैद
