सॅनफ्रान्सिस्को - पिक्सेल बड्स ए-सिरीजची चूकून ट्विटरवर घोषणा झाल्यानंतर गुगलने अधिकृतपणे पिक्सेल बड्स ए-सिरीजची आज लाँच केले आहेत. हे टीडब्ल्यीएस एअर बड्स ९९ डॉलरला उपलब्ध होणार आहेत.
पिक्सेल बड्स ए-सिरीज हे अमेरिका आणि कॅनडामध्ये १७ जूनपासून ग्राहकांसाठी उपलब्ध होणार आहे. स्पीकरच्या सर्व श्रेणीचा पूर्ण क्षमतेने अनुभव घेण्यासाठी, विशेषत: कमी फ्रिक्वन्सीसाठी गुड सील असणे अत्यंत महत्त्वाचे आहे.
हेही वाचा-टेस्लानंतर अमेरिकेची दुसरी इलेक्ट्रिक कंपनीही भारतात येणार- नितीन गडकरी
हे आहेत पिक्सेल बड्स ए-सिरीजची वैशिष्ट्ये
- पिक्सेल बड्स ए-सिरीज तयार करण्यासाठी हजारो कानांचे परीक्षण करण्यात आले आहे.
- एअर बडमध्ये अॅडाप्टिव्ह साउंड आहे. त्यामुळे भोवतालच्या आवाजाप्रमाणे ध्वनी कमी अथवा जास्त होतो.
- वापरकर्त्यांना हे एअरबड्स घरी किंवा रस्त्यावरच्या गोंगाटातही वापरणे सहजशक्य होते. तसेच मोठ्या बांधकामाजवून रस्त्यावर धावताना आवाजाचा अडथळा येत नाही.
- एकवेळ चार्जिंग केल्यानंतर 24 तासापर्यंत एअरबड्सची चार्जिंग टिकते. तर १५ मिनिटे चार्जिंग केल्यास एअरबड्सची ऐकण्यासाठी तीन तासापर्यंत चार्जिंग टिकते.
- कनेक्टिव्हिटी बग्स आणि ऑडिओ कटआऊटस टाळण्यासाठी गुगलने काही तंत्रज्ञानाचा वापर केला आहे. पिक्सेल बड्स ए-सिरीज ही डार्क ओलिव्हमध्येही उपलब्ध आहे.
- प्रेरणेसाठी कंपनीसाठी नैसर्गिक रंगाचा वापर केला आहे. वापरकर्त्याला आल्हाददायक आणि शांतीचा अनुभव येण्यासाठी टोन तयार करण्यात आल्याचे कंपनीने म्हटले आहे.
हेही वाचा-देशाच्या राजधानीत बेरोजगारीने गाठला कळस; मेमध्ये 45.6 टक्क्यांची नोंद
