Sexually Assaults Case : अल्पवयीन बहिणीवर लैंगिक अत्याचार करणाऱ्या भावासह पोलीस पदावर कार्यरत असलेल्या एकाला अटक

Sexually Assaults Case : बहीण-भावाच्या नात्याला काळीमा फासणारी घटना छत्रपती संभाजीनगर जिल्ह्यातील गंगापूर शहरात घडली. येथे एका वीस वर्षीय भावानं त्याच्या पंधरा वर्षीय अल्पवयीन सख्ख्या बहिणीवर जीवे मारण्याची धमकी देत वारंवार अत्याचार केल्याची धक्कादायक घटना उघडकीस आली. दरम्यान, या प्रकरणी आता मुलीच्या भावासह नातेवाईकातील पोलीस पदावर असलेल्या दुसऱ्या आरोपीला पोलिसांनी केली अटक केली.

गंगापूर (छत्रपती संभाजी नगर) Sexually Assaults Case : छत्रपती संभाजीनगर जिल्ह्यातील गंगापूरमध्ये सख्ख्या भावानं बहिणीवर लैंगिक अत्याचार केल्याची धक्कादायक घटना समोर आल्यानंतर सर्वत्र खळबळ उडाली. असं असतांनाच आता या घटनेत पीडितेच्या नात्यातील सहाय्यक पोलीस फौजदाराचा समावेश असल्याची माहिती समोर आली. भाऊ आणि नात्यातील पोलीस पदावर असलेल्या एकानं अल्पवयीन मुलीवर लैंगिक अत्याचार केल्यानं पीडिता गर्भवती राहिली आहे. हा धक्कादायक प्रकार उघडकीस आल्यावर भावानंतर आता ५२ वर्षीय नराधमाविरुध्द १३ ऑक्टोबर रोजी पोक्सो कायद्याअंतर्गत गंगापूर पोलीस ठाण्यात गुन्हा दाखल करण्यात आलायं. आरोपीला गंगापूर पोलिसांनी ताब्यात घेतलं असून न्यायालयासमोर हजर केले असता न्यायालयानं १७ ऑक्टोबरपर्यंत पोलीस कोठडी सुनावली आहे.

पोलिसांनी पीडितेला धीर दिल्यानंतर दुसऱ्या आरोपीचं नाव आलं समोर : पोलिसांकडून मिळालेल्या माहितीनूसार, छत्रपती संभाजीनगर येथील पोलीस आयुक्त कार्यालयात कार्यरत सहाय्यक पोलीस उपनिरीक्षक सुभाष होनाजी यानं नात्यातील पंधरा वर्षीय अल्पवयीन मुलीवर घरी कोणी नसतांना सहा महिन्यापूर्वी आणि त्यानंतर वारंवार बलत्कार केला. पीडितेनं सुरुवातीला भावानं अत्याचार केल्याचं सांगितलं. त्यामुळं गंगापूर पोलिसांनी शुक्रवारी सुरुवातीला पीडितेच्या भावाविरुध्द गुन्हा दाखल केला. परंतु या प्रकरणात आणखीन एक गुन्हेगार असून, तो पोलीस खात्यात असल्यानं मुलीला त्याचं नाव सांगण्याची हिमंत झाली नाही. मात्र, पाेलिसांना त्या बद्दल माहिती मिळाल्यानंतर त्यांनी पीडितेला धीर देत अधिक माहिती घेतली. तेव्हा तिनं नातेवाईक असलेल्या आरोपी सहाय्यक पोलीस निरीक्षक गागुर्डेनंदेखील वेळोवेळी आपल्यावर अत्याचार केल्याचा धक्कादायक खुलासा केला. तसंच पीडितेच्या भावानं जीवे मारण्याची धमकी देत शेतात आणि राहत असलेल्या घरात अत्याचार केला. यामुळं पीडिता दोन महिन्याची गर्भवती राहिली. या प्रकरणी पीडितेच्या फिर्यादीवरून सुरुवातीला तिच्या भावावर नंतर सुभाष गांगुर्डे विरोधात पोक्सो आणि विविध कलमां अंतर्गत १३ ऑक्टाेबर रोजी गुन्हा दाखल करण्यात आलाय.

गर्भवती राहिल्यानं घटना समोर : लैंगिक अत्याचारानंतर अल्पवयीन पीडिता दोन महिन्यांची गर्भवती राहिल्यानं तिचं सारखं पोट दुखत होतं. त्यामुळं कुटुंबियांनी तपासणी केली असता, घडलेला प्रकार समोर आला. आईनं विश्वासात घेऊन विचारपूस केली असता, तिनं सुरुवातीला फक्त भावाचंच नाव सांगितलं. मात्र, पोलिसांच्या अधिक तपासानंतर पोलीस खात्यात नातेवाईक असलेल्या आरोपीचंही नाव समोर आलं.

गंगापूर पोलिसांनी आवळल्या आरोपींच्या मुसक्या : पोलीस निरीक्षक सत्यजीत ताईतवाले, पोलीस उपनिरीक्षक ज्ञानेश्वर साखळे, पोलीस उपनिरीक्षक अझहर शेख यांनी मालेगाव येथे नातेवाईकांकडं लपून बसलेल्या आरोपी भावाला आणि गांगुर्डे यांना ताब्यात घेतलं. गांगुर्डे याला न्यायालयासमोर उभं केलं असता न्यायालयानं १७ ऑक्टोंबरपर्यंत पोलीस कोठडीत ठेवण्याचे आदेश दिले आहेत. तसंच दोन्ही आरोपींची डीएनए चाचणी करण्यात येणार असल्याचं पिंक पथकाचे पोलीस उपनिरीक्षक ज्ञानेश्वर साखळे यांनी सांगितलंय.

हेही वाचा -