पालेखोरी (ग्रीस): उत्तर ग्रीसमधील कावला शहराजवळ शनिवारी युक्रेन एअरलाइनचे मालवाहू विमान कोसळले ( Ukraine Airlines cargo plane crashes ). याबाबत अधिकाऱ्यांनी ही माहिती दिली. स्थानिक रहिवाशांनी अपघातानंतर दोन तास स्फोटांचा आवाज ऐकला आणि आगीच्या ज्वाळा उठताना दिसल्या. हे विमान सर्बियाहून जॉर्डनला जात ( Plane traveling from Serbia to Jordan ) होते, असे ग्रीक नागरी हवाई वाहतूक अधिकाऱ्यांनी सांगितले. सोव्हिएट्सने बनवलेले हे टर्बोप्रॉप विमान मेरिडियन कंपनी चालवत होते.
ग्रीक माध्यमांनी सांगितले की, विमानात आठ लोक होते आणि त्यात 12 टन "धोकादायक सामग्री" ( 12 tons of hazardous materials ) होती, बहुतेक स्फोटके होती. मात्र, स्थानिक अधिकाऱ्यांनी सांगितले की, त्यांच्याकडे विमानात नेमके काय वाहून गेले होते याची कोणतीही माहिती नाही. अपघाताच्या ठिकाणाहून येणाऱ्या तीव्र दुर्गंधीमुळे खबरदारीचा उपाय म्हणून आजूबाजूच्या दोन भागात राहणाऱ्या लोकांना रात्रभर खिडक्या बंद ठेवण्यास, घराबाहेर पडू नये आणि मास्क घालण्यास सांगण्यात आले आहे.
विमानात धोकादायक रसायने ( Dangerous chemicals on board ) होती की नव्हती हे त्यांना माहीत नसल्याचे अधिकाऱ्यांनी सांगितले. ग्रीसच्या नागरी उड्डयन अधिकाऱ्यांनी सांगितले की, वैमानिकाने विमानाच्या एका इंजिनमध्ये समस्या आल्याची माहिती दिली आणि त्याला थेस्सालोनिकी किंवा कवाला विमानतळावर उतरण्याचा पर्याय देण्यात आला होता. तसेच आपत्कालीन स्थितीत उतरावे लागेल असे सांगून कवाला येथे उतरण्याचा निर्णय घेतला.
त्यानंतर काही वेळातच विमानाशी संपर्क तुटला. विमानतळाच्या पश्चिमेला सुमारे 40 किमी अंतरावर विमान कोसळले. अपघातापूर्वी आगीचे गोळे आणि धुराचे लोट दिसल्याचे स्थानिकांनी सांगितले. अग्निशमन दलाने घटनास्थळाच्या 400 मीटर परिसराला वेढा घातला आहे.
हेही वाचा - Pakistan Court Declared : पीएम शाहबाज यांचा मुलगा पाक न्यायालयाकडून फरार घोषित
