शस्त्रे खरेदीचे किमान वय १८ वरून २१ करण्याची गरज - बिडेन

अमेरिकेने लहान मुले आणि कुटुंबांच्या सुरक्षेसाठी प्राणघातक शस्त्रांवर बंदी घालणे आवश्यक आहे. शस्त्रे खरेदी करण्यासाठीचे वय 18 वरून 21 पर्यंत वाढवणे आवश्यक आहे. प्राणघातक शस्त्रांवर बंदी घालणेही गरजेचे आहे. मात्र ते सध्या आम्ही करू शकत नसल्यास, आम्ही शस्त्रे खरेदी करण्यासाठीचे वय 18 वरून 21 पर्यंत वाढवले ​​पाहिजे ही भूमिका घेत आहोत. जास्त-क्षमतेच्या मॅगझीनवरही बंदी घालण्याची भूमिका आहे. सुरक्षित स्टोरेज कायदे करणे अशा प्रकारच्या उपाययोजना करण्याची गरज आहे. अशी भूमिका बिडेय यांनी मांडली आहे.

वॉशिंग्टन - युनायटेड स्टेट्समधील बंदुकींच्या हिंसाचारावर चिंता व्यक्त करताना, राष्ट्राध्यक्ष जो बिडेन म्हणाले की, अमेरिकेने लहान मुले आणि कुटुंबांच्या सुरक्षेसाठी प्राणघातक शस्त्रांवर बंदी घालणे आवश्यक आहे. शस्त्रे खरेदी करण्यासाठीचे वय 18 वरून 21 पर्यंत वाढवणे आवश्यक आहे. प्राणघातक शस्त्रांवर बंदी घालणेही गरजेचे आहे. मात्र ते सध्या आम्ही करू शकत नसल्यास, आम्ही शस्त्रे खरेदी करण्यासाठीचे वय 18 वरून 21 पर्यंत वाढवले ​​पाहिजे ही भूमिका घेत आहोत. जास्त-क्षमतेच्या मॅगझीनवरही बंदी घालण्याची भूमिका आहे. सुरक्षित स्टोरेज कायदे करणे अशा प्रकारच्या उपाययोजना करण्याची गरज आहे.

जनतेच्या संरक्षणाची गरज - ते पुढे म्हणाले की, हा कोणाचा हक्क काढून घेण्याचा प्रकार नाही. "हे मुलांचे संरक्षण करण्याबद्दल आहे. हे कुटुंबांचे रक्षण करण्याबद्दल आहे. हे समुदायांचे रक्षण करण्याबद्दल आहे. शाळेत जाणे, किराणा दुकानात जाणे, गोळी न मारता चर्चमध्ये जाणे या स्वातंत्र्याचे रक्षण करणे यासाठी हे करायचे आहे," ते म्हणाले."हे कोणाच्याही बंदुका काढून घेण्याबद्दल नाही... प्रत्येक बंदूक मालकाने कसे वागले पाहिजे याचे उदाहरण म्हणून आम्ही जबाबदारीने बंदूक मालकांनी वागले पाहिजे यावर आमचा विश्वास आहे,"

अनेक हल्ल्यांमध्ये निर्दोषांचा बळी - 24 मे रोजी टेक्सासमधील उवाल्डे येथील रॉब एलिमेंटरी स्कूलमध्ये सामूहिक गोळीबाराची घटना घडली. ज्यामध्ये 19 मुलांसह अनेक लोक मारले गेले. पार्कलँड, फ्लोरिडा येथे 2018 च्या मार्जोरी स्टोनमन डग्लस हायस्कूलमध्ये झालेल्या गोळीबारानंतरचा हा सर्वात प्राणघातक हल्ला होता. जिथे 17 लोक मारले गेले होते. 31 मे रोजी, न्यू ऑर्लिन्समधील हायस्कूल पदवीदान समारंभात गोळीबार झाल्याने एक वृद्ध महिला ठार झाली आणि इतर दोन जण जखमी झाले. झेवियर विद्यापीठाच्या कॅम्पसमधील दीक्षांत समारंभ केंद्राबाहेर गोळीबार झाला. जेथे मॉरिस जेफ हायस्कूलचे पदवीधर जमले होते. असे प्रकार आता थांबले पाहिजेत. त्यासाठी कठोर उपाय करणे गरजेचे आहे.

कठोर कायद्यांची गरज - यापूर्वी राष्ट्राध्यक्ष जो बिडेन यांनी न्यूझीलंडच्या पंतप्रधान जॅसिंडा आर्डर्न यांच्याकडून युनायटेड स्टेट्समधील हिंसाचाराचा सामना करण्याबाबत सल्ला मागितला होता कारण अलीकडच्या काही दिवसांत अमेरिकेत गोळीबाराच्या घटना वाढत आहेत. बिडेन यांनी सांगितले की, 2019 च्या क्राइस्टचर्चमध्ये मुस्लिमांना लक्ष्य करून सामूहिक गोळीबारात 51 लोकांची हत्या केल्याचा उल्लेख केली. या घटनेमुळे न्यूझीलंडने लष्करी वापराच्या रायफल्सवर बंदी घालण्यास प्रवृत्त केले. बंदूक खरेदी-विक्रीचीही स्थापना करण्यात आली.
हेही वाचा - US President Joe Biden : अमेरिका युक्रेनला उच्च-तंत्रज्ञान मध्यम-श्रेणी रॉकेट प्रणाली पाठवणार आहे