फ्लोरिडा : अमेरिकेत पुन्हा एकदा वंशभेदामुळे हिसांचाराची घटना घडली. फ्लोरिडातील जॅक्सनविले येथे झालेल्या गोळीबारात तीन जण ठार झाले आहेत. स्थानिक अधिकाऱ्यांनी शनिवारी दुपारी ही माहिती दिली. अधिकाऱ्यांनी सांगितले की, वंशभेदामुळे प्रेरित हल्ल्यात अनेक लोकांना गोळ्या घालून ठार केल्याचा संशय होता. हल्ला करणाऱ्या व्यक्तीचाही मृत्यू झाला आहे. 'हा हल्ला वांशिकतेनं प्रेरित होता', असे जॅक्सनविले शेरीफ टी. के. वॉटर्स यांनी पत्रकार परिषदेत सांगितलं.
हल्ल्यानंतर हल्लेखोरानं स्वतःवर गोळी झाडली : 'गोर्‍या हल्लेखोरानं हल्ल्यानंतर स्वतःवर गोळी झाडली. हल्लेखोराजवळ असे काही पुरावे सापडले आहेत, ज्यावरून दिसून आले आहे की त्याची विचारसरणी द्वेषाची होती. याद्वारे त्याचा हल्याचा हेतू स्पष्ट झाला', असे शेरीफ टी. के. वॉटर्स यांनी सांगितलं. जॅक्सनविलच्या महापौर डोना डीगन यांनी सांगितलं की, 'गोळीबार करून अनेकांना ठार केल्यानंतर संशयित हल्लेखोराला स्टोअरमध्ये रोखण्यात आले'. या प्रकरणी जॅक्सनविले अग्निशमन आणि बचाव विभागाचे प्रवक्ते एरिक प्रोस्विमर यांनी सांगितलं की, आमचा विभाग पीडितांवर उपचार करण्यासाठी तयार आहे. मात्र, या प्रकरणात जखमी झालेल्या लोकांच्या संख्येबाबत अद्याप कोणतीही माहिती देण्यात आलेली नाही.
पोलिसांकडून अलर्ट जारी : जॅक्सनविले ईशान्य फ्लोरिडामध्ये, जॉर्जिया सीमेच्या दक्षिणेस अंदाजे ३५ मैल दूर स्थित आहे. विशेष म्हणजे, हल्ला झाला त्या परिसरात अनेक चर्च आहेत. या हल्यानंतर एडवर्ड वॉटर युनिव्हर्सिटीनं आपल्या कॅम्पसमध्ये राहणाऱ्या लोकांना घरात राहण्याचा आदेश जारी केला. कॅम्पस पोलिसांनी कॅम्पसच्या सर्व सुविधा सुरक्षित केल्या आहेत, असे अलर्टमध्ये म्हटलयं. विद्यार्थ्यांना दुपारपर्यंत त्यांच्या निवासस्थानी हॉलमध्ये ठेवण्यात आले.
- अमेरिकेत सामूहिक गोळीबाराच्या घटना वाढल्या : आकडेवारीनुसार, २०२३ मध्ये अमेरिकेध्ये आतापर्यंत कमीत कमी ४७० सामूहिक गोळीबाराच्या घटना घडल्या आहेत. जुलैमध्ये देशाने ४०० चा टप्पा ओलांडला होता. २०१३ नंतर हा आत्तापर्यंतचा सर्वात मोठा आकडा आहे.
हेही वाचा :
- Plane Crash In Russia : ब्लादिमीर पुतीन यांना जेरीस आणणाऱ्या प्रिगोझिन यांचं जेट विमान 'क्रॅश', अपघातात सगळे प्रवासी ठार झाल्याची भीती
- Temple Vandalize In Canada : कॅनडात हिंदू मंदिरांची तोडफोड थांबेना; खलिस्तान समर्थकांनी आणखी एका मंदिरावर केला हल्ला
- Donald Trump News: तुरुंगात आत्मसमर्पण केल्यानंतर 20 मिनिटांतच सुटले डोनाल्ड ट्रम्प, दोन वर्षानंतर 'X' वर पोस्ट करून म्हणाले..
