नवी दिल्ली: चिनी हेरगिरीच्या फुग्याचा फटका भारतालाही बसला आहे. सूत्रांनी दिलेल्या माहितीनुसार, चिनी गुप्तहेर बलूनने भारताच्या लष्करी तळांच्या प्रतिमाही मिळवल्या आहेत. एका मीडिया रिपोर्टमध्ये म्हटले आहे की, चीनने भारत आणि जपानसह अनेक देशांना लक्ष्य करून गुप्तचर फुग्यांचा ताफा चालवला आहे. त्याद्वारे संवेदनशील ठिकाणांची माहिती जमा करण्यात आली आहे. सुरक्षेच्या दृष्टिकोनातून ही गंभीर घटना आहे.
अमेरिकेने फुगा पाडल्यानंतर आले समोर: अमेरिकन सैन्याने त्यांच्या देशातील संवेदनशील प्रतिष्ठानांवर घिरट्या घालणारा एक चिनी पाळत ठेवणारा फुगा खाली पाडल्यानंतर ही माहिती समोर आली आहे.अटलांटिक महासागरात दक्षिण कॅरोलिनाच्या किनार्‍याजवळ एका लढाऊ विमानाने पाडलेल्या चिनी पाळत ठेवणार्‍या बलूनला अमेरिकन अधिकार्‍यांनी शोधून काढले आहे. भारतासह आमचे मित्र आणि इतर मित्र देशांना या शोधाची माहिती दिली असल्याचे अमेरिकेच्या अधिकाऱ्यांनी सांगितले.
विविध देशांच्या लष्करी तळांची माहिती घेतली: अमेरिकन वृत्तपत्र वॉशिंग्टन पोस्टनुसार, चिनी गुप्तचर फुग्याने भारत, जपान, व्हिएतनाम, तैवान आणि फिलिपाइन्ससह इतर अनेक देशांच्या विविध लष्करी तळांची माहिती गोळा केली आहे. वृत्तपत्रानुसार, चीनच्या दक्षिण किनार्‍यावरील हैनान प्रांतातून ते ऑपरेट केले जात होते. अमेरिकेच्या संरक्षण अधिकाऱ्याने सांगितले की, हे फुगे पीआरसी (पीपल्स रिपब्लिक ऑफ चायना) फुग्यांच्या ताफ्याचा भाग आहेत, जे पाळत ठेवण्यासाठी विकसित केले गेले आहेत. ते म्हणाले की, हे फुगे इतर देशांच्या सार्वभौमत्वाचेही उल्लंघन करतात.
कम्युनिष्ठ पक्ष बनलाय विरोधक: वॉशिंग्टन पोस्टमध्ये म्हटले आहे की, अलिकडच्या वर्षांत, हवाई, फ्लोरिडा, टेक्सास आणि ग्वाममध्ये किमान चार फुग्यांचे दर्शन घडले आहे. या संपूर्ण प्रकरणावर अमेरिकेचे परराष्ट्र मंत्री अँटोनी ब्लिंकन म्हणाले की, चीनने केवळ अमेरिकाच नाही तर पाच खंडातील अनेक देशांच्या सार्वभौमत्वाचे उल्लंघन केले आहे. भारतीय-अमेरिकन काँग्रेसचे सदस्य राजा कृष्णमूर्ती म्हणाले की, कम्युनिस्ट पार्टी ऑफ चायना अनेक देशांसाठी तसेच स्वतःच्या लोकांसाठी विरोधी पक्ष बनला आहे.
चीनकडून होतेय लपवाछपवी: हवामान संशोधनासाठी वापरण्यात आलेला हा फुगा असल्याचा दावा चीनने केला आहे, मात्र तो कोणत्या सरकारी खात्याचा किंवा कंपनीचा आहे हे सांगण्यास नकार दिला आहे. कृष्णमूर्ती (49) यांनी चीनवर नव्याने स्थापन झालेल्या सदन समितीच्या पहिल्या बैठकीनंतर सांगितले की, 'आम्ही हे सहन करू शकत नाही. आम्ही (सीपीपीला) स्पष्ट संदेश देतो आणि त्याच वेळी आक्रमकता थांबवतो याची आम्हाला खात्री करावी लागेल.
हेही वाचा: Chinese Balloon Debris : बलूनचा मलबा चीनला परत करण्यास अमेरिकेचा नकार
