लंडन : एका भारतीय वंशाच्या व्यक्तीने इंग्लंडच्या राणीविरोधात देशद्रोहाची कबुली दिली आहे. 2021 मध्ये विंडसर कॅसल येथे क्रॉसबोने राणी एलिझाबेथला ठार मारण्याची धमकी दिल्याचा आरोप या व्यक्तीवर आहे. न्यूयॉर्क पोस्टने याबाबतचे वृत्त प्रकाशित केले आहे. फिर्यादीच्या म्हणण्यानुसार, जसवंत सिंग चैल, जो त्यावेळी 19 वर्षाचा होते, त्याला 2021 च्या ख्रिसमसच्या दिवशी शाही निवासस्थानी अडविण्यात आले होते. त्यानंतर त्याने राणीला मारण्याचा आपला इरादा असल्याची माहिती अधिकाऱ्यांना दिली.
गुन्हा केला कबूल : 1981 नंतर यूकेमध्ये देशद्रोहासाठी दोषी ठरलेली चैल ही पहिली व्यक्ती आहे. 21 वर्षीय चैलने राजद्रोह कायदा 1842 अंतर्गत दिवंगत राणीला जीवे मारण्याची धमकी दिल्याचा गुन्हा कबूल केला आहे. राणीचे 8 सप्टेंबर 2022 रोजी वयाच्या 94 व्या वर्षी निधन झाले. 1842 चा देशद्रोह कायदा तेव्हा अंमलात आला होता जेव्हा एका व्यक्तीने राणी व्हिक्टोरियावर तिच्या कारकिर्दीच्या सुरुवातीला पिस्तूल दाखवले होते.
जालियनवाला बाग हत्याकांडाचा बदला घ्यायचा होता : मी येथे राणीला मारण्यासाठी आलो आहे, असे चैलने आम्हाला सांगितले, असे पोलीस सुरक्षा अधिकाऱ्यांनी शुक्रवारी न्यायालयात सांगितले. न्यूयॉर्क पोस्टने वृत्त दिले आहे की, असा आरोप आहे की त्याने अनेक लोकांना एक व्हिडिओ पाठवला आहे ज्यामध्ये त्याने दावा केला आहे की तो महारानी यांची हत्या करण्याचा कट आखत आहे. 1919 च्या जालियनवाला बाग हत्याकांडात मारल्या गेलेल्या भारतीयांचा बदला घेण्याची सिंह याची योजना होती, असे व्हॉईस ऑफ अमेरिकाने म्हटले आहे.
पोलिसांनी वेळीच हस्तक्षेप केला : सरकारी वकिलांनी सांगितले की, चैलने कोर्टात त्याच्यावरील आरोप मान्य केले आणि सांगितले की तो जे काही करणार आहे त्याबद्दल त्याला खेद वाटतो. व्हॉईस ऑफ अमेरिकेच्या म्हणण्यानुसार, एका व्हिडीओमध्ये चेलने म्हटले होते की, त्याला 1919 च्या हत्याकांडात मारल्या गेलेल्यांचा बदला घ्यायचा आहे. सीपीएस स्पेशल क्राइम्स आणि काउंटर टेररिझम विभागाचे प्रमुख निक प्राइस यांनी पोलिसांचे वेळेवर हस्तक्षेप केल्याबद्दल आभार मानले. प्राइस म्हणाले की, ही एक गंभीर घटना आहे. परंतु सुदैवाने आता ही उघडकीस आली. तपासात सहभागी असलेल्या प्रत्येकाचे आम्ही आभारी आहोत.
हेही वाचा : Chinese Spy Balloon Over US : अमेरिकेच्या हवाई क्षेत्रात दिसला संशयास्पद चिनी बलून
