पॅरिस - फ्रान्समध्ये दररोज कोरोना विषाणूचा संसर्ग झालेले नवे रुग्ण आढळत आहेत. गेल्या 24 तासांत त्यांची संख्या 58 हजार 46 ने वाढली आहे. गुरुवारी देशातील आरोग्य महासंचालक जेरोम सालोमन यांनी ही माहिती दिली. याखालोखाल 2 नोव्हेंबरला 52 हजार 518 रुग्णांची नोंद झाली होती.
वृत्तसंस्था सिन्हुआनुसार, सॉलोमन यांनी पत्रकारांना सांगितले की, फ्रान्समध्ये कोविड - 19 हा रोग सुरू झाल्यापासून 16 लाखाहूनही अधिक रुग्णांची नोंद झाली आहे.
एकूण 39 हजार 37 रुग्ण या रोगाच्या संसर्गामुळे बळी पडले आहेत. त्यापैकी गेल्या 24 तासांत 363 लोकांचा बळी गेला.
एका दिवसात रुग्णालयांमध्ये रुग्णांची संख्या सुमारे तीन हजारने वाढली आहे. सॉलोमनच्या म्हणण्यानुसार 447 रुग्ण व्हेंटिलेटरवर आहेत.
सॉलोमन म्हणाले की, प्रत्येक चारपैकी एका रुग्णाला जीवनसंरक्षक प्रणालीची गरज पडत आहे.
'या साथीच्या रोगाची स्थिती गंभीर आहे. याची दुसरी लाट अत्यंत भयानक आहे आणि वेगाने पसरत आहे. संपूर्ण देशासाठी ही चिंताजनक बाब आहे,' असे असे त्यांनी म्हटले आहे.
'साथीच्या रोगाचा विकास हा आपल्या आरोग्य व्यवस्थेसाठी धोकादायक ठरू लागला आहे. प्रत्येक दिवस महत्त्वाचा आहे. आम्हाला या साथीची साखळी एकत्र येऊन मोडून काढावी लागेल,' असे ते म्हणाले.
30 ऑक्टोबरपासून फ्रान्सची 6.7 कोटी लोकसंख्या देशव्यापी लॉकडाऊन सामोरे जात आहे. हे लॉकडाऊन डिसेंबरपर्यंत चालणार आहे.
