चिनी संरक्षणमंत्री नेपाळच्या दौर्‍यावर, काठमांडूत दाखल

सध्या सत्ताधारी नेपाळच्या कम्युनिस्ट पक्षामधील वाद आणि मतभेद उच्च पातळीवर पोहोचले आहेत. चीनची बेल्ट अँड रोड इनिशिएटिव्हच्या अंमलबजावणीची गती कमी होत आहे आणि बीजिंगला भारत आणि अमेरिका यांच्यातील अन्य सामरिक कराराबाबत दक्षिण आशियाई देशांची भूमिका जाणून घ्यायची इच्छा आहे, अशा महत्त्वाच्या वेळी वेई यांची ही नेपाळ भेट होत आहे, असे नेपाळी तज्ज्ञ आणि परराष्ट्र धोरणाच्या निरीक्षकांचे म्हणणे आहे.

काठमांडू - भारतीय परराष्ट्र सचिव हर्षवर्धन श्रृंगला यांच्या नेपाळ दौर्‍याच्या दोन दिवसानंतर चिनी संरक्षणमंत्री व राज्य सल्लागार वेई फेंगहे रविवारी काठमांडू येथे दाखल झाले.

वेई यांचा अजेंडा आणि त्यांनी नेपाळ दौर्‍याची उद्दिष्टे यापूर्वी दोन्ही सरकारकडून उघड केलेली नाहीत.

राष्ट्राध्यक्ष शी जिनपिंग यांनी ऑक्टोबर 2019 मध्ये या देशाचा दौरा केल्यानंतर गेल्या वर्षभरात नेपाळला गेलेले ते चीनमधील सर्वांत वरिष्ठ अधिकारी आहेत.

मीडिया रिपोर्टनुसार, नेपाळची यात्रा संपल्यानंतर वेई बांग्लादेश आणि पाकिस्तानला रवाना होतील.

हेही वाचा - अफगाणिस्तानात आत्मघातकी बॉम्बस्फोटात 30 ठार, 24 जखमी

नेपाळच्या परराष्ट्र मंत्रालयाने या भेटीला 'वर्किंग विझिट' असे संबोधले आणि काठमांडूमध्ये एका दिवसाच्या मुक्कामाच्या वेळी वेईचे राष्ट्रपती विद्यादेवी भंडारी, पंतप्रधान आणि संरक्षणमंत्री के. पी. शर्मा ओली आणि नेपाळी लष्कराचे लष्करप्रमुख जनरल पूर्ण चंद्र थापा यांची भेट घेतील. रविवारी संध्याकाळी ते काठमांडूहून निघतील.

सध्या सत्ताधारी नेपाळच्या कम्युनिस्ट पक्षामधील वाद आणि मतभेद उच्च पातळीवर पोहोचले आहेत. चीनची बेल्ट अँड रोड इनिशिएटिव्हच्या अंमलबजावणीची गती कमी होत आहे आणि बीजिंगला भारत आणि अमेरिका यांच्यातील अन्य सामरिक कराराबाबत दक्षिण आशियाई देशांची भूमिका जाणून घ्यायची इच्छा आहे, अशा महत्त्वाच्या वेळी वेई यांची ही नेपाळ भेट होत आहे, असे नेपाळी तज्ज्ञ आणि परराष्ट्र धोरणाच्या निरीक्षकांचे म्हणणे आहे.

हेही वाचा - लंडन : लॉकडाऊनविरोधात आंदोलन करणाऱ्या 150 हून अधिक लोकांना अटक