कोरोनाविषाणुचा सामना करण्यात चीनने केलेल्या प्रगतीबाबत समाजमाध्यमांमध्ये अनेक वाद आणि कट रचल्याचे सिद्धांत फिरत असले तरीही, चीनी अधिकार्यांनी काही साधी पावले कोरोनाविषाणुचा प्रसार रोखण्यासाठी उचलली.
वुहानचा संपर्क उर्वरित देशापासून तोडला..
कोरोना विषाणुचे केंद्रबिंदू असलेल्या वुहान शहराचा उर्वरित देशाशी असलेला संपर्क २३ जानेवारी २०२० रोजीच तोडण्यात आला होता. २३ जानेवारी २०२० रोजी रात्री २ वाजता, अधिकार्यांनी वुहानच्या नागरिकांना एका नोटिसीद्वारे माहिती दिली की, सकाळी १० वाजल्यापासून सर्व बसेस, रेल्वे, विमाने, आणि बोटी आदीसह सार्वजनिक वाहतूक व्यवस्था स्थगित करण्यात येईल. वुहानच्या नागरिकांना अधिकार्यांच्या परवानगीशिवाय शहर सोडण्यास मनाई करण्यात आली.
सॅनिटायझरचा शिडकावा..
विषाणुने कोणताही पृष्ठभागावर परिणाम करण्याची शक्यता दूर करण्यासाठी रस्ते, बोगदे आणि इतर सार्वजनिक पायाभूत सुविधा यांच्यावर मोठ्या प्रमाणात सॅनिटायझरचा शिडकावा करण्यात आला. पीपल्स बँक ऑफ चायनानेही संसर्गाचा संभव असलेल्या नोटा नष्ट करून अत्यंत खोलवर स्वच्छता केली. चीनी शहरांनी निर्जंतुकीकरणाचे बोगदे उभारून त्याद्वारे धुके पसरले ज्यामुळे ९९ टक्के विषाणु मरतात.
आरोग्य संहिता..
सार्वजनिक चांगल्यासाठी आपल्या अत्यंत आधुनिक आणि विस्तारित टेहळणी नेटवर्कचा उपयोग करून, चीनी सरकारने अलिबाबा आणि टेन्संट अशा तांत्रिकदृष्ट्या विराट कंपन्यांशी हातमिळवणी करून रंगसंहिता असलेली आरोग्य दर्जा प्रणाली विकसित केली. त्याद्वारे दररोज लाखो लोकांवर नजर ठेवण्यात आली.
दूरवरच्या भागांमध्ये तात्पुरत्या रूग्णालयांची उभारणी..
चीनने केवळ १० दिवसांमध्ये हुओशेनशानमध्ये ७ हजार सुतार, प्लंबर, वीजतंत्री आणि इतर विशेषज्ञांच्या कामगार शक्तीच्या जोरावर तात्पुरते रूग्णालय उभारले. ६,४५,००० चौरस फुट क्षेत्रातील ही तात्पुरती वैद्यकीय सुविधा १००० खाटा आणि अनेक विलगीकरण कक्ष तसेच ३० अतिदक्षता विभाग यांनी सुरू होतानाच सुसज्ज होती. पाया बांधण्यासाठी त्यांनी पूर्वनिर्मित युनिट्सचा वापर केला आणि अगोदर पाया आणि नंतर त्यावर इमारत अशी पारंपरिक पद्धत न वापरता चीनने रूग्णालय इमारतीसाठी समांतर पद्धत वापरली.
राष्ट्रीय आणि राज्य महामार्ग बंद केले..
शहरांना लॉकडाऊनमध्ये ठेवण्यास सुरूवात करताक्षणापासूनच त्यांनी राष्ट्रीय आणि राज्य महामार्ग बंद करण्यास सुरूवात केली. यामुळे कोरोनाविषाणुच्या प्रसाराची शक्यता पूर्वी होती त्यापेक्षा खूपच कमी झाली आणि आजारी लोकांना एकाच भागात नियंत्रित करता आले. २३ जानेवारीला सरकारी माध्यमांनी वुहानच्या भोवतालचे महामार्गावरील टोल नाके बंद होत असल्याचे वृत्त दिले आणि त्यामुळे बाहेर पडण्याचे मार्गही परिणामकारकरित्या बंद करण्यात आले. गस्त घालण्यासाठी रक्षकांना तैनात करण्यात आले.
ड्रोन्सचा वापर..
अत्यंत तीव्र परिणाम झालेल्या काही भागांमध्ये, वैद्यकीय उपकरणे आणि रूग्णांच्या नमुन्यांची वाहतूक करण्यासाठी ड्रोन्स मदतीला धावून आले आहेत. यामुळे वेळेची बचत झाली, वाहून नेण्याचा वेग वाढला आणि नमुन्यांमध्ये संक्रमण होण्याचा धोका टाळला गेला. ड्रोन्स क्यूआर कोड फलक घेऊनही उडत असल्याने त्यांना आरोग्यविषयक माहितीसाठी स्कॅन करता येऊ शकते. काही कृषीविषयक ड्रोन्सही आहेत जे बाहेरच्या शेतांमध्ये जंतुनाशक द्रव्यांची फवारणी करत आहेत. चेहरा ओळखण्याची क्षमता असलेल्या ड्रोन्सचा उपयोग नागरिकांना घरांच्या बाहेर पडू नका याचे इशारे देण्यासाठी तसेच जे मास्क घालत नाहीत त्यांना दटावण्यासाठीही केला जात आहे.
रोबोंचा उपयोग..
रूग्णालयात जेवण बनवण्यापासून ते रेस्टॉरंट्समध्ये वेटर म्हणून काम करण्यापर्यंत, जंतुनाशक फवारणी आणि स्वच्छता करण्यापर्यंत, तांदूळ विकण्यापासून ते हाताचे सॅनिटायझरचे वितरण करण्यापर्यंत, रोबो हे प्रत्येक ठिकाणी कोरोनाविषाणुचा प्रसार रोखण्यासाठी आघाडीवर आहेत. अनेक रूग्णालयांमध्ये, रोबो निदान करत असून औष्णिक प्रतिमा परिक्षा घेण्याचेही काम करत आहे. शेनझेन स्थित मल्टीकॉप्टर ही कंपनी वैद्यकीय नमुन्यांची वाहतूक करण्यासाठी रोबोंचा वापर करत आहे.
सॅनिटायझर्सची मागणी वेळेवर पुरवणे..
जंतुनाशकांची मागणी इतकी प्रचंड वाढली की चीनमधील ब्लीचिंग पावडर बनवणाऱ्या सर्वात मोठ्या कंपनीला आपल्या पूर्ण क्षमतेने काम करून ही मागणी पुरवावी लागली. चीनमधील मद्य कंपन्यांनी मागणी पूर्ण करण्यासाठी हात धुण्यासाठी वापरल्या जाणाऱ्या सॅनिटायझरच्या उत्पादनास सुरूवात केली.
प्रवासाबाबत धोक्याचा इशारा खूप लवकर दिला..
२३ जानेवारीला, वुहानच्या जवळ असलेले इझोऊ हे रेल्वे स्थानक बंद करण्यात आले. बिजिंगने दोन मोठे नव्या वर्षानिमित्त चांद्र मेळावे रद्द केले आणि राजधानीतील सर्वात प्रसिद्घ पर्यटकांचे आकर्षण केंद्र असलेले फॉरबिडन सिटी, पुढील सूचनेपर्यंत पर्यटकांसाठी बंद केले. २३ जानेवारीला चीनने दुसर्या शहरात गुरूवारी लॉकडाऊन जाहिर केले. नव्या कोरोनाविषाणुचा प्रसारामुळे १८ जण मरण पावल्याचे तर ६०० जणांना संसर्ग झाल्याचे कळल्यावर अन्य ३ शहरांमध्ये प्रवासाचे कडक निर्बंध लादण्यात आले.
कडक लॉकडाऊन..
हुआंगांगमधील अधिकाऱ्यांनी चित्रपट आणि इंटरनेट कॅफे यांच्यासह सर्व इनडोअर करमणूक स्थळे बंद करण्याचे आदेश दिले आणि नागरिकांना विशेष परिस्थितीअंतर्गत वगळता बाहेर न पडण्यास लोकांना सांगितल्याचे सरकारी माध्यमांनी वृत्त दिले आहे.
जीवनावश्यक वस्तुंची साठेबाजी रोखण्यातील कार्यक्षमता..
वुहान शहरात, घाबरलेल्या ग्राहकांनी वस्तुंची साठेबाजी करण्यासाठी सुपरमार्केट्समध्ये धाव घेतल्याने सुपरमार्केट्स झपाट्याने रिकामे झाले. घाबरून खरेदी करण्याच्या या दिवसांत, अधिकाऱ्यांनी जीवनावश्यक खाद्यपदार्थ आणि वैद्यकीय वस्तुंसाठी विशेष मार्ग शोधला त्याला ग्रीन पॅसेजेस म्हटले जाते. चीनच्या राष्ट्रीय अन्न आणि डावपेचात्मक साठा प्रशासनाने स्थानिक सरकारांना धान्य आणि खाद्यतेलांचा पुरवठा होईल, याची सुनिश्चिती करण्यास सांगितले. तुटवडा, घाबरून केलेली खरेदी आणि किंमतवाढ रोखण्यासाठी हा उपाय केला गेला आहे आणि आवश्यकता पडल्यास आम्ही राखीव साठ्यातून वस्तु जारी करू, असे त्यांनी सांगितले.
लॉकडाऊनचा भंग न करता जीवनावश्यक वस्तुंचे वितरण..
प्रत्येकाच्या दारात वस्तु वितरित करण्यासाठी प्रत्येक समूहासाठी एकेका स्वयंसेवकाकडे जबाबदारी देण्यात आली. स्वयंसेवक आणि रहिवाशांनी वुईचॅटचा वापर करून समन्वय राखला आणि ते कधीही एकमेकांना भेटले नाहीत. रहिवाशांना दाराशी ठेवलेले धान्य उचलून घरात नेण्यासाठी ते लोकांच्या दाराशी ठेवण्यात आले. त्यामुळे वैयक्तिक संपर्क कमीत कमी ठेवण्यात आला.
हेही वाचा : लॉकडाऊन अन् भारतातील बेघर लोक...
