वॉशिंग्टन डी. सी. - येणाऱ्या काळात लोक किती प्रमाणात अन्नग्रहण करू शकतात, याचा अभ्यास संशोधकांनी केला आहे. शरीराचे वजन आणि उंची यांच्या प्रमाणानुसार लोकांची कॅलरीज् (उर्जा) घेण्याची क्षमता ठरते. 'प्लोस वन' या जर्नलमध्ये हे संशोधन प्रकाशित झाले आहे.
बहुतांशी देशांमध्ये उंची आणि वजन यांच्या सरासरीमध्ये बदल होऊन वाढ झाली आहे. अर्थशास्त्राचे प्राध्यापक स्टीफन क्लासेन आणि त्याच्या विद्यार्थ्यांच्या एका गटाने 2010 ते 2100 या कालावधीत जगाच्या लोकसंख्येला किती अन्नाची गरज असेल, याचा आराखडा मांडला आहे. या अभ्यासासाठी नेदरलँड आणि मेक्सिकोमध्ये अन्नग्रहण करण्याच्या प्रमाणात झालेल्या बदलांचा वापर करण्यात आला. 2100 पर्यंत लोकांच्या अन्नग्रहण करण्याच्या क्षमतेमध्ये 60 टक्क्यांनी वाढ होईल, असे क्लासेन यांचे म्हणणे आहे.
हेही वाचा - इस्रायलमध्ये वर्षभरात तिसऱ्यांदा सार्वत्रिक निवडणुका होणार?
अन्नग्रहण करण्याच्या क्षमतेमध्ये अशीच वाढ होत राहिल्यास अन्न-धान्य उत्पादनावर याचा ताण पडेल. अन्न पदार्थांची मागणीमध्ये वाढल्याने त्यांचे दरही वाढतील. श्रीमंत लोक आपली वाढती गरज पुर्ण करू शकतील मात्र, आर्थिकदृष्ट्या मागास लोकांवर उपासमारीची वेळ येईल, अशी भीती क्लासेन यांच्या गटाने व्यक्त केली.
