मुंबई - अभिनेत्री उर्मिला मातोंडकरने लहानपणी 1980 मध्ये मराठी चित्रपट 'झाकोळ' Marathi film Zaakol द्वारे पदार्पण केले आणि 1983 मध्ये 'मासूम' Masoom या चित्रपटामुळे तिला ओळख मिळाली. अभिनेत्री उर्मिला मातोंडकरला आपण मराठी रंगभूमीशी संबंधित असल्याचा अभिमान वाटतो. डान्स आधारित रिअॅलिटी शोच्या सेटवर बोलत असताना उर्मिलाने ज्येष्ठ अभिनेत्री उषा नाडकर्णी यांच्या कार्याचाही गौरव केला.
उषा नाडकर्णी आणि अभिनेत्री अंकिता लोखंडे त्यांच्या 'पवित्र रिश्ता' स्पेशल एपिसोडमध्ये 'डीआयडी सुपर मॉम्स'मध्ये सहभागी होताना दिसणार आहेत. उर्मिला या दिग्गज अभिनेत्रीसोबतच्या तिच्या खास बॉन्डबद्दल बोलताना दिसणार आहे.
उर्मिला म्हणाली, "मी जेव्हा उषा ताईंना इथे रंगमंचावर पाहिलं, तेव्हापासून मला त्यांच्याकडून आशीर्वाद घ्यायचे आहेत. मी जेव्हा मोठी होत होते, तेव्हा मी त्यांना थिएटरमध्ये परफॉर्म करताना पाहिले होते आणि तेव्हापासून मी त्यांना ओळखत होते. 'पवित्र रिश्ता' शोच्या आधी आम्ही एक खास बॉन्ड शेअर केला आहे.
"आपण कितीही मोठे आणि प्रसिद्ध झालो तरी आपल्या वडीलधाऱ्यांकडून नेहमी नम्रतेने आशीर्वाद घेणे हेच आमचे संस्कार आहेत. आज मला खूप अभिमान वाटतो की मी एका मराठी रंगभूमीशी संबंधित आहे, कारण मनोरंजन उद्योगातील सर्वात प्रसिद्ध नावांपैकी उषा ताई या एक आहेत. "
तिने पुढे सांगितले की उषा नाडकर्णी या केवळ स्वार्थी आणि गर्विष्ठ सासूचीच भूमिका करू शकतात असे म्हणणे चुकीचे ठरेल. अशी भूमिका उषाजी यांनी दिवंगत अभिनेता सुशांत सिंग राजपूत अभिनीत 'पवित्र रिश्ता' मध्ये केली होती.
"कारण जेव्हा मला अभिनयाविषयी माहिती नव्हती तेव्हापासून मी त्यांचा अप्रतिम अभिनय पाहिला आहे. मी त्यांना काही अप्रतिम अभिनय, भूमिका आणि पात्रे साकारताना पाहिले आहे."
ती पुढे म्हणाली, "आणि आजही, मी त्यांच्यासमोर उभी असताना माझे पाय थरथर कापत आहेत, हे असेच व्यक्तिमत्व आणि प्रतिभा उषा ताईंचे शक्तीस्थान आहे. मी कृतज्ञ आहे की मी त्यांना इथे आज अशा स्टेजवर सर्वांसमोर अभिवादन करू शकले."
'डीआयडी सुपर मॉम्स' हा शो झी टीव्हीवर प्रसारित होत आहे.
हेही वाचा - भारतीय चित्रपट उद्योगात बॉलीवूड, टॉलीवूड अशी विभागणी थांबवण्याचे करण जोहरचे आवाहन
