मुंबई - बॉलिवूड स्टार्स त्यांच्या कामाची जाहिरात करण्यासाठी खूप दूर जाऊ शकतात. चित्रपटाच्या प्रमोशनसाठी दिवस रात्र एक करत असतात. अलीकडेच, सोशल मीडियावर एक व्हिडिओ व्हायरल झाला आहे, ज्यामध्ये, आदित्य रॉय कपूर मुंबईतील एका पॉश हॉटेलचा मॅनेजर म्हणून म्हणून पाहुण्यांना त्यांच्या खोलीच्या चाव्या देताना दिसत आहे. व्हिडिओमध्ये आदित्य काळ्या रंगाच्या सूटमध्ये लोकांशी संवाद साधताना दिसत आहे. काही पाहुण्यांनी त्याच्यासोबत फोटोही काढले, तर काहींना विश्वास बसला नाही की एक बॉलिवूड स्टार स्वतः हॉटेलच्या समोरच्या डेस्कवर त्यांची सेवा करत आहे.
दरम्यान, अभिनेत्री अनन्या पांडे तिचा कथित बॉयफ्रेंड आदित्य रॉय कपूरच्या आगामी मालिका द नाईट मॅनेजरच्या स्क्रीनिंगला उपस्थित राहिल्याने तिच्या चाहत्यांच्या उत्साहाला भरते आले आहे. अनन्याने पांढऱ्या-टॉप आणि निळ्या जीन्समध्ये रेड कार्पेटवर आपली झलक दाखवली आणि सोबद्दल प्रतिक्रियाही दिली. उपस्थित एका हौशी पत्रकाराने तिला विचारले की चित्रपट कसा वाटला? यावर ती म्हणाली की भाऊ हा चित्रपट नाही शो आहे. हां आणि फार भारी आहे बरं का? मला तर नाईट मॅनेजर आवडला.
अनिल कपूर, शोभिता धुलिपाला आणि तिलोतमा शोम यांच्या प्रमुख भूमिका असलेला द नाईट मॅनेजर हा शो 17 फेब्रुवारी 2023 रोजी डिस्ने+हॉटस्टार वर प्रीमियर होणार आहे. रिलीजपूर्वी, निर्मात्यांनी एक विशेष स्क्रीनिंग आयोजित केले होते, ज्यामध्ये आदित्य रॉय कपूर, सिद्धार्थ रॉय कपूर आणि विद्या बालन, अभिनेत्री मृणाल ठाकूर आणि इतर कलाकार उपस्थित होते.
- " class="align-text-top noRightClick twitterSection" data="
">
आदित्य कपूरचे बळजबरीने चुंबन - आदित्य रॉय कपूरच्या एका चाहतीने त्याच्यासोबत फोटो काढण्यास भाग पाडल्यानंतर जबरदस्तीने त्याचे चुंबन घेण्याचा प्रयत्न केला. एका पापाराझोने शेअर केलेल्या व्हिडिओमध्ये, एक महिला द नाईट मॅनेजर स्टारसोबत फोटो घेण्यासाठी इतर काही चाहत्यांमध्ये सामील झाली. फोटो काढल्यानंतर तिने जबरदस्तीने आदित्यच्या गालाचे चुंबन घेण्याचा प्रयत्न केला. आदित्य दूर खेचण्यात यशस्वी झाला पणर तिने पुन्हा त्याचे चुंबन घेण्याचा प्रयत्न केला.
आदित्यने प्रसंगावधान राख परिस्थिती हाताळली, हळू हळू स्वतःला तिच्यापासून दूर केले पण तिने सोडण्यास नकार दिला. तो घटनास्थळावरून निघून जाण्यापूर्वी तिने अखेरीस त्याच्या हाताचे चुंबन घेतले. आदित्यला या प्रकारावर हसावे की रडावे असे झाले होते.
हा व्हिडिओ व्हायरल झाल्यानंतर सोशल मीडियावर प्रतिक्रियांचा पाऊस पडला आहे. एकीने लिहिलंय, मलाही तो आवडतो पण मी जबरदस्तीने त्याचे चुंबन घेण्याचा प्रयत्न करणार नाही, हा शुद्ध छळ आहे!, एका सोशल मीडिया युजरने लिहिले. 'हॅलो लेडी, कोविड अद्याप पूर्णपणे संपलेला नाही.'
अनन्या पांडे आणि आदित्य रॉय कपूर यांच्याबद्दल बोलायचे तर करण जोहरने त्याच्या लोकप्रिय चॅट शो कॉफी विथ करणमध्ये, त्याच्या 50 व्या वाढदिवसाच्या पार्टीत त्यांना नाचताना आणि गप्पा मारताना पाहिल्यावर त्यांच्यामध्ये काहीतरी निर्माण होत असल्याचे संकेत दिले तेव्हा त्यांच्या डेटिंगबद्दलच्या अफवा पहिल्यांदा सुरू झाल्या. मी तुला माझ्या पार्टीत पाहिलंय... तुझ्यात आणि आदित्य रॉय कपूरमध्ये काय चाललंय? असं करण जोहरने अनन्या पांडेला विचारले होते. यावर अनन्या म्हणाली होती की, मला आदित्य रॉय कपूर हॉट वाटतो.
आदित्य रॉय कपूर किंवा अनन्या पांडे यांनी प्रेमात असल्याचे अद्याप उघडपणे कबुल केलेले नाही. मात्र त्यांच्या डेटिंगची नेहमी चर्चा होत असते. दोघांनीही मनीष मल्होत्राच्या दिवाळी सेलिब्रेशनमध्ये आनंदाने एकत्र पोज दिली होती. तसंच, ते इव्हेंट्समध्ये एकत्र दिसले.
दरम्यान, अनन्या पांडे आयुष्मान खुरानासोबत ड्रीम गर्ल 2 मध्ये दिसणार आहे.
हेही वाचा - New Attractions On Ott Platform : लॉस्ट ते कार्निव्हल रो 2 पर्यंत मालिका आणि चित्रपटांच्या मनोरंजनाची रेलचेल
