Thank You For Coming trailer out: 'थँक यू फॉर कमिंग'चा ट्रेलर झाला प्रदर्शित; पाहा व्हिडिओ....

Thank You For Coming trailer out : करण बुलानी दिग्दर्शित 'थँक यू फॉर कमिंग'चा ट्रेलर रिलीज झाला आहे. या कॉमेडी-ड्रामामध्ये भूमी पेडणेकर मुख्य भूमिकेत दिसणार आहे. हा चित्रपट लवकरच प्रदर्शित होणार आहे.

मुंबई Thank You For Coming Trailer : दिग्दर्शक करण बुलानी दिग्दर्शित 'थँक यू फॉर कमिंग' या चित्रपटासाठी प्रत्येकजण आतुर आहे. या चित्रपटामध्ये भूमी पेडणेकर ही मुख्य भूमिकेत दिसणार आहे. काही दिवसांपूर्वी 'थँक्स फॉर कमिंग'च्या फर्स्ट लूकनं सर्वत्र खळबळ उडवून दिली होती. तेव्हापासून भूमी पेडणेकरच्या या चित्रपटाची सर्वत्र चर्चा होती. दरम्यान आता 'थँक यू फॉर कमिंग'चा ट्रेलर प्रदर्शित झाला आहे. हा चित्रपट 6 ऑक्टोबर रोजी थिएटरमध्ये दाखल होणार आहे. या चित्रपटात भूमी व्यतिरिक्त शहनाज गिल, डॉली सिंग, कुशा कपिला, शिबानी बेदी, प्रद्युमन सिंग मॉल, नताशा रस्तोगी, गौतमिक, सुशांत दिवगीकर, सलोनी डेनी, डॉली अहलुवालिया, करण कुंद्रा आणि अनिल कपूर यांच्याही भूमिका आहेत.

• View this post on Instagram

  A post shared by Bhumi Pednekar (@bhumipednekar)

'थँक यू फॉर कमिंग'चा ट्रेलर रिलीज : ट्रेलरच्या रिलीजमुळे, चाहते आता मोठ्या पडद्यावर चित्रपटाची जादू पाहण्यासाठी उत्सुक आहेत. बालाजी मोशन पिक्चर्स अंतर्गत एकता कपूर, शोभा कपूर आणि रिया कपूर यांनी हा कॉमेडी-ड्रामा चित्रपट बनविला आहे. 'थँक यू फॉर कमिंग' चित्रपटात भूमीची बोल्ड स्टाईल पाहायला मिळेल. भूमी पेडणेकरनं 'थँक यू फॉर कमिंग'चा ट्रेलर शेअर करत लिहिलं, 'अशा राजकुमारीची ही परीकथा आहे जी खूप हटके असेल! 6 ऑक्टोबर 2023 रोजी #ThankYouForComing पाहण्यासाठी सिनेमागृहात यायला विसरू नका. भूमिमीनं पोस्ट केलेल्या ट्रेलरवर अनेकजण कमेंट करत आहेत. चाहते पोस्टवर कमेंट करत तिला या चित्रपटासाठी शुभेच्छा देत आहेत.

'थँक यू फॉर कमिंग'ची स्टारकास्ट : 'थँक यू फॉर कमिंग' हा मल्टीस्टारर चित्रपट आहे. हा एक कॉमेडी चित्रपट आहे. या चित्रपटाचा प्रीमियर टोरंँटो इंटरनॅशनल फिल्म फेस्टिव्हल (TIFF)2023मध्ये होईल. भूमीला या चित्रपटापासून खूप अपेक्षा आहे. पहिल्यांदाच ती वेगळ्या अंदाजात रुपेरी पडद्यावर झळकणार आहे. 'थँक यू फॉर कमिंग'च्या ट्रेलरमध्ये भूमी ही तिच्या लग्नाबद्दल आतुर असल्याचं दाखवलं गेलं आहे. या ट्रेरलमध्ये कुशा कपिला, शहनाज गिल आणि करण कुंद्रा हे देखील दिसतात. या चित्रपटाचा ट्रेलर हा खूप मनोरंजक आहे. हा चित्रपट लकरच चित्रपटगृहांमध्ये दाखल होईल.

हेही वाचा :