मुंबई - Elvish yadav : 'बिग बॉस OTT 2' विजेता आणि यूट्यूबर एल्विश यादव सापाचे विष पुरवणे आणि रेव्ह पार्टी आयोजित केल्याप्रकरणी त्याची काल रात्री चौकशी झाली. एल्विशची सेक्टर-20 पोलीस ठाण्यात सुमारे 3 तास चौकशी करण्यात आली. मीडियापासून वाचण्यासाठी एल्विश गुपचूप पोलीस ठाणे गाठले होते. त्याची चौकशी डीसीपी, एसीपी स्तरावरील अधिकाऱ्यांनी केली आहे. डीसीपी नोएडा हरिश्चंद्र यांनी सांगितले की, एल्विशला पुन्हा चौकशीसाठी नोटीस देण्यात आली आहे. त्यानंतर त्यांनी पुढं सांगितलं की, नोएडा पोलीस आरोपी राहुल आणि एल्विश यांना समोरासमोर बसवून त्यांची चौकशी करू शकतात.
सापांची वैद्यकीय तपासणी : नोएडा पोलिसांना बुधवारी अटक केलेल्या 5 आरोपींना पोलीस कोठडी मिळू शकते. दरम्यान वनविभागानं सापांना वैद्यकीय तपासणीसाठी पाठवलं होतं. वैद्यकीय चाचणीत 5 नागांच्या विष ग्रंथी काढण्यात आल्याचं समोर आलं आहे. उर्वरित 4 साप विषारी नव्हते. कोणत्याही सापाची विष ग्रंथी काढून टाकणे क्रूरतेच्या श्रेणीत येते, त्यामुळं आरोपींना 7 वर्षांपर्यंत शिक्षा होईल. न्यायालयाच्या परवानगीनंतर सापांना जंगलात सोडण्यात आलं आहे.
राहुलचा ऑडिओ आला समोर : या संपूर्ण प्रकरणात एल्विशननं स्वत:ला निर्दोष घोषीत केलं आहे. त्यानं सांगितल्यानुसार त्याचा या प्रकरणाशी काहीही संबंध नाही. नुकत्याच प्रसिद्ध झालेल्या एका ऑडिओ क्लिपमध्ये एल्विशचं नाव पुढं आलं आहे. ऑडिओमध्ये, अटक आरोपी राहुल यादवनं पीएफए (मेनका गांधींची संघटना पीपल्स फॉर अ‍ॅनिमल्स) सदस्याला सांगितलं की त्यानं हे ड्रग्ज एल्विशच्या पार्टीला पोहोचवलं होतं.
नोएडा पोलिसांनी एफआयआर केली दाखल : राहुलनं सांगितल की, दिल्लीत खूप चेकिंग आहे, त्यामुळं थोडी काळजी घ्यावी लागते. पोलीस सुद्धा एल्विशच्या ठिकाणी येत नाहीत. जेव्हा आम्ही छतरपूरला कार्यक्रम करायला जातो, तेव्हा तिथल्या सगळ्यांना माहित असतं की त्यांच्या फार्म हाऊसवर कार्यक्रम आयोजित केला जात आहे. पण त्यांना ड्रग्ज देण्यासाठी जास्त वेळ लागत नाही, फक्त अर्धा तासात सर्व काही होऊन जातं. त्यानंतर ते आमच्या टीमला तिथून पटकन बाहेर काढतात. ते कुठल्याही गोष्टींचा धोकाही घेत नाहीत. सध्या पोलिसांनी 5 आरोपींना अटक केली आहे. यामध्ये राहुल, टिटूनाथ, जयकरण, नारायण आणि रविनाथ यांचा समावेश आहे.
एल्विश केली पोस्ट : या प्रकरणात नाव अडकल्यानंतर एल्विशनं इन्स्टावर एक व्हिडिओ पोस्ट करून म्हटलं होत की, 'मी सकाळी उठलो आणि पाहिले की मीडियामध्ये माझ्याविरोधात सापाच्या विष प्रकरणी अनेक प्रकारच्या बातम्या पसरवल्या जात आहेत. माझ्यावरील सर्व आरोप निराधार, खोटे असून त्यात एक टक्काही तथ्य नाही'. एल्विशला राजस्थानमधील कोटा येथील चेकपोस्टवर थांबवले होते. मात्र, अर्धा तास चौकशीनंतर त्याला सोडण्यात आले होते.
हेही वाचा :
- Kareena Kapoor : 'अवनी बाजीराव सिंघम'च्या भूमिकेत करीना कपूर खान, 'सिंघम अगेन'मधील फर्स्ट लूक रिलीज
- Prabhas : प्रभास गुडघ्यावर शस्त्रक्रिया करून इटलीहून मायदेशी परतला
- Tiger 3 Salman entry : 'टायगर 3' मध्ये सलमानच्या एन्ट्रीला होणार 10 मिनीटांचा थरार
