मुंबई - Ajay Devgn supernatural thriller :अजय देवगणच्या आगामी सुपरनॅचरल थ्रिलर 'शैतान'मध्ये ज्योतिका आणि आर माधवन हे सहकलाकार आहेत. निर्मात्यांनी चित्रपटाच्या शीर्षक पोस्टरचे लॉन्चिंग केले आणि दोन दशकांहून अधिक काळानंतर हिंदी चित्रपटामध्ये पुनरागमन करत असलेल्या अभिनेत्री ज्येतिकाच्या या चित्रपटाच्या प्रदर्शनाची तारीख जाहीर केली. या चित्रपटात अभिनय करण्यासोबतच याची निर्मितीही अजय देवगण करत आहे.
सोशल मीडियावर अजयने 'शैतान'चे एक मनोरंजक शीर्षक पोस्टर शेअर केले. 'शैतान'च्या रिलीजची तारीख जाहीर करताना अजयने इंस्टाग्रामवर लिहिले, "शैतान तुमच्यासाठी 8 मार्च 2024 रोजी सिनेमागृहात येत आहे."
विकास बहल दिग्दर्शित या चित्रपटातून गुजराती अभिनेत्री जानकी बोडीवाल हिंदीमध्ये पदार्पण करत आहे. जियो स्टुडिओज, अजय देवगण फिल्म्स, आणि पॅनोरम स्टुडिओ इंटरनॅशनल यांनी प्रस्तुत केलेल्या या चित्रपटाची निरमिती अजय देवगण, ज्योती देशपांडे, कुमार मंगत पाठक आणि अभिषेक पाठक यांनी केली आहे. 'शैतान' चित्रपटाचे जून 2023 मध्ये शूटिंग सुरू झाले होते. या थ्रिलर चित्रपटाचे मुंबई, मसुरी आणि लंडनमध्ये मोठ्या प्रमाणावर शूटिंग करण्यात आल्याचे सांगितले जाते.
या आगामी अलौकिक थ्रिलर चित्रपटात भारतीय काळ्या जादूच्या जगाचा शोध घेणार्‍या वेधक कथेची मांडणी करण्यात आलीय. 'क्वीन', 'सुपर ३०' आणि 'गुडबाय' सारख्या चित्रपटांसाठी ओळखल्या जाणार्‍या विकास बहलसोबत 'शैतान' हा अजय देवगणचा पहिलाच चित्रपट आहे.
अजय अलीकडेच तमिळ ब्लॉकबस्टर 'कैथी'चे हिंदी रूपांतर असलेल्या 'भोला' चित्रपटामध्ये दिसला होता. याशिवाय अभिनेता देवगण आगामी अभिषेक कपूरच्या अ‍ॅक्शन-अ‍ॅडव्हेंचरमध्ये देखील मग्न आहे. या चित्रपटातून अजयचा पुतण्या आमन देवगन आणि रवीना टंडनची मुलगी राशा थडानी अभिनयात पदार्पण करणार आहेत. त्याशिवाय, तो रोहित शेट्टीच्या 'सिंघम अगेन' आणि नीरज पांडेच्या 'औरों में कहाँ दम था' यासारख्या प्रोजेक्टसाठी तयारी करत आहे. त्याच्या बिझी शेड्यूलमध्ये स्पोर्ट्स ड्रामा 'मैदान' आणि 'रेड 2' या चित्रपटांचाही समावेश आहे.
हेही वाचा -
