मुंबई - Arpita Khan Diwali bash : सलमान खानची बहीण अर्पिता शर्मानं आयोजित केलेल्या दिवाळी पार्टीमध्ये शाहरुख खान स्टाईलमध्ये हजर झाला होता. त्याच्या दिसण्यानं चाहत्यांचा उत्सह दुणावलाय. निळ्या कुरत्यामध्ये किंग खान सुंदर सजला होता. त्याने आपले केस पोनीटेलमध्ये देखील स्टाईल केले होते. या पार्टीमध्ये शाहरुखची पत्नी गौरी खान आणि बहीण शहनाजही या पार्टीत सहभागी झाल्या होत्या.
सलमानबद्दल बोलायचं तर त्याची बहिण अर्पिता खान आणि मेव्हणा आयुष शर्मानं आयोजित केलेल्या दिवाळी सेलेब्रिशन पार्टीला तो काळा शर्ट आणि तपकिरी पँटमध्ये सुंदर दिसत होता. या पार्टीत सोनाक्षी सिन्हा तिचा कथित बॉयफ्रेंड झहीर इक्बाल, सई मांजरेकर, रकुल प्रीत सिंग, जॅकी भगनानी आणि अलिझेह अग्निहोत्री यांच्यासह अनेक सेलिब्रिटींनी दिवाळी पार्टीला हजेरी लावली.
कामाच्या आघाडीचा विचार करता दिवाळीच्या मुहूर्तावर चित्रपटगृहात दाखल झालेल्या सलमानच्या 'टायगर 3' मधील खास कॅमिओसाठी शाहरुख खानचं कौतुक केलं जातंय. 'टायगर 3' मध्ये तो पठाण बनून एनट्री करतो. या चित्रपटात इमरान हाश्मी आणि कतरिना कैफ देखील मुख्य भूमिकेत आहेत. मनीष शर्मा दिग्दर्शित या अॅक्शन थ्रिलरमध्ये हृतिक रोशनचा कॅमिओ देखील आहे.
शाहरुख खान डिसेंबरमध्ये रिलीज होणाऱ्या राजकुमार हिराणीच्या 'डंकी'मध्ये दिसणार आहे. या चित्रपटात तापसी पन्नू, बोमन इराणी आणि विकी कौशल देखील आहेत. 'डंकी' चित्रपट 2023 च्या ख्रिसमसच्या मुहूर्तावर थिएटरमध्ये रिलीज होणार आहे. दिग्दर्शक राजकुमार हिरानी, तापसी आणि विकी कौशल यांच्यासोबत शाहरुख खानचा हा पहिलाच ऑन-स्क्रीन सहयोग असलेला चित्रपट आहे.
शाहरुखने त्याच्या 58 व्या वाढदिवसानिमित्त चित्रपटाची पहिली झलक चाहत्यांना भेट म्हणून दिली होती. 'डंकी ड्रॉप 1' या नावाने किंग खाननं ही क्लिप त्याच्या इंस्टाग्राम अकाउंटवर शेअर केली होती. परदेशात चांगले काम मिळवण्यासाठी जाणाऱ्या चार मित्रांची ही एक हृदयस्पर्शी कथा आहे. यावर्ष रिलीज झालेल्या 'पठाण' आणि 'जवान' चित्रपटाला अपाम यश मिळाल्यानंतर एकाच वर्षात तीन सुपरहिट चित्रपट हिट करण्याची हॅट्रीक तो 'डंकी'च्या रिलीजमधून साध्य करु शकतो.
हेही वाचा -
1. Masaba Diwali With Viv Richards : मसाबानं वडील व्हिव्हियन रिचर्ड्ससोबत साजरी केली यंदाची दिवाळी
2. Tiger 3 X Review : दिवाळीत 'टायगर'ची गर्जना; चाहत्यांकडून समाज माध्यमांत कौतुक
