मुंबई - बॉलिवूड जोडपे अली फजल आणि रिचा चढ्ढा यांनी राजधानीत त्यांच्या लग्नाच्या सोहळ्यातील त्यांची पहिली झलक शेअर केली आहे. दोघांनी त्यांच्या इंस्टाग्राम अकाऊंटवर एक प्रेमळ फोटो शेअर केला. यात अभिनेत्री रिचा आणि अलीची जोडी खूप सुंदर दिसत आहे.
शुक्रवारी, रिचाने सोशल मीडियावर लग्नाआधीच्या उत्सवातील दोन फोटोंचा सेट शेअर केला. फोटोसोबत रिचाने RiAli हॅशटॅगसह "मोहब्बत मुबारक " असे लिहिले आहे. अलीने देखील रिचाच्या पोस्टला प्रतिसाद म्हणून त्याच्या इंस्टाग्राम हँडलवर असेच फोटो शेअर केले आहेत. रिचासोबत रोमँटिक पोज देत त्याने लिहिले, "तुमको भी."
- " class="align-text-top noRightClick twitterSection" data="
">
यापूर्वी या जोडीने त्यांच्या चाहत्यांसाठी आणि हितचिंतकांसाठी एक गोड ऑडिओ संदेश शेअर केला होता. , 'दोन वर्षांपूर्वी आम्ही एकमेकांच्या जवळ आलो आणि मग महामारीने आम्हाला घेरले आणि आमची लग्न आणि इतर कामे थांबवली, इतर लोकांच्या कामांप्रमाणेच आम्हालाही एकामागून एक वैयक्तिक त्रासांनी घेरले. आपल्या सर्वांप्रमाणेच आम्हीही सुटकेच्या श्वास घेतला, आम्ही शेवटी आमच्या कुटुंबियांसह आणि मित्रांसोबत आनंदोत्सव साजरा करत आहोत आणि आम्हाला मिळालेल्या सर्व आशीर्वादांसाठी आम्ही अत्यंत कृतज्ञ आहोत.
दिल्लीत लग्न - अमृतसरमध्ये जन्मलेल्या रिचाचे पालनपोषण दिल्लीत झाले आहे आणि त्यामुळे तिला दिल्लीशी विशेष आकर्षण आहे. अली जफर हा लखनौचा आहे. आता या जोडप्याने लग्नाआधी तीन प्री-वेडिंग फंक्शन ठेवले आहेत, ज्यात कॉकटेल, संगीत आणि मेहंदी पार्टी यांचा समावेश आहे. लॉकडाऊनमुळे त्यांचा विवाह बराच काळ पुढे ढकलला होता आणि आता दोघेही ४ ऑक्टोबरला लग्नबंधनात अडकणार आहेत.
सूत्रांनी दिलेल्या माहितीनुसार, लग्नाला 40-50 लोक उपस्थित राहणार आहेत, फक्त जवळचे मित्र आणि कलाकारांचे कुटुंब. संध्याकाळी, शोबिजमधील त्यांच्या मित्रांसाठी रिसेप्शन होईल.
