मुंबई - अभिनेता रणबीर कपूर आणि आलिया भट्टच्या लग्नाचे सेलिब्रेशन आजपासून सुरू होण्याची शक्यता असल्याने त्याच्या घराबाहेर सुरक्षा व्यवस्था तैनात करण्यात आली आहे. रणबीरच्या वांद्रे येथील घराबाहेर बुधवारी अनेक सुरक्षा रक्षक दिसले. सर्व काही सुरळीत चालले आहे याची खात्री करण्यासाठी मुख्य गेटवर बॅरिकेड्स लावण्यात आले आहेत.
- " class="align-text-top noRightClick twitterSection" data="
">
हळदी समारंभासाठी घरात प्रवेश करणाऱ्या लोकांच्या फोन कॅमेऱ्यांवर गुलाबी रंगाचे स्टिकर्स लावतानाही पहारेकरी दिसले. काल आलियाचे जुहू येथील निवासस्थानही चमकदार गुलाबी आणि सोनेरी दिव्यांनी सजले होते. रणबीरची बहीण रिद्धिमा कपूर सहानीही तिच्या भावाच्या लग्नाच्या चर्चा सुरू असताना मुंबईत पोहोचली आहे.
वृत्तानुसार, रणबीर आणि आलियाच्या लग्नाच्या उत्सवाची सुरुवात 13 एप्रिल रोजी दिवंगत ऋषी कपूर यांच्या स्मरणार्थ मेहंदी फंक्शन आणि पूजेने होईल. बुधवारी सकाळपासूनच जवळचे कुटुंबीय आरकेच्या घरी पोहोचू लागले. रणबीरची आई नीतू कपूर आणि इतर नातेवाईक वातानुकूलित व्हॅनमधून पोहोचले.
- " class="align-text-top noRightClick twitterSection" data="
">
हा लग्नसोहळा चार दिवस रणबीर कपूरच्या घरी चालणार आहे. आजपासून हा विवाहसोहळा सुरू होणार असून 15 एप्रिल रोजी दोघे विवाहबंधनात अडकतील अशी माहिती आहे. या जोडप्याने त्यांच्या लग्नाच्या तपशीलांबद्दल काहीही बोललेले नाही, मात्र सोमवारी रणबीरच्या घरी एक कार दिसली आणि ती वरवर पाहता वधूसाठी सब्यसाचीच्या पोशाखांनी भरलेली होती. आलिया आणि रणबीरने त्यांच्या आगामी अयान मुखर्जी दिग्दर्शित ब्रह्मास्त्रच्या सेटवर डेटिंग करण्यास सुरुवात केली होती. दोघांचा हा पहिलाच एकत्रीत चित्रपट असणार आहे.
हेही वाचा - आलिया भट्टच्या आधी रणबीरवर 'या' 8 अभिनेत्री होत्या फिदा
