Priyanka Chopra : देसी गर्ल प्रियांका चोप्रा येणार मायदेशी; फोटो केला शेअर...

Priyanka Chopra : 'देसी गर्ल' प्रियांका चोप्रा बऱ्याच दिवसांनी भारतात येत आहे. तिनं पासपोर्टचा फोटो स्वतःच्या इंस्टाग्राम स्टोरीजवर शेअर केला आहे.

मुंबई - Priyanka Chopra In India : ग्लोबल स्टार प्रियांका चोप्रा भारतात येऊन बराच काळ लोटला आहे. तिची चुलत बहीण परिणीती चोप्राच्या लग्नालाही ती आली नव्हती. आता प्रियांकाला मायदेशी येण्याची इच्छा आहे. ती आता मुलगी मालतीसोबत भारतात येत आहे. तिनं इंस्टाग्राम स्टोरीवर काही फोटो शेअर केले आहेत. या फोटोमध्ये मालतीनं तिच्या आईचा हात पकडला आहे. शेअर केलेल्या फोटोत दोघांचेही चेहरे दिसत नाहीत. मालतीनं प्रिंटेड टॉप आणि गुलाबी पँट घातली आहे. हा फोटो शेअर करताना प्रियांकानं पृथ्वी आणि हार्ट इमोजी पोस्ट केला आहे. त्यानंतर दुसऱ्या फोटोमध्ये तिनं तिच्या पासपोर्टचा फोटोही शेअर केला आहे. ज्यावर तिनं लिहलं, इट्स बीन ए मिनट मुंबई, प्रतीक्षा करू शकत नाही.

जिओ मामी फिल्म फेस्टिवल : मिळालेल्या माहितीनुसार, 'इंडिया मामी फिल्म फेस्टिव्हल 2023'साठी प्रियांका भारतात येत आहे. प्रियांका चोप्रा ही 'जिओ मामी' (jio MAMI) फिल्म फेस्टिव्हलची चेअरपर्सन देखील आहे, या फेस्टिव्हलचं उद्घाटन 27 ऑक्टोबर रोजी होणार आहे. नीता मुकेश अंबानी कल्चर सेंटरमध्ये हा महोत्सव 5 नोव्हेंबरपर्यंत चालणार आहे. 'जिओ मामी' या बोर्ड सदस्यांमध्ये कबीर खान, विशाल भारद्वाज, विक्रमादित्य मोटवाने, झोया अख्तर, फरहान अख्तर, रितेश देशमुख आणि राणा दग्गुबती यांचा देखील समावेश आहे. प्रियांका चोप्रा सतत चर्चेत असते. दररोज तिचे फोटो आणि व्हिडिओ सोशल मीडियावर व्हायरल होत असतात.

प्रियांका चोप्रा वर्कफ्रंट : प्रियांका चोप्राच्या वर्क फ्रंटबद्दल बोलायचं झालं तर, ती शेवटी अमेरिकन वेब सीरीज 'सिटाडेल'मध्ये दिसली होती. तिच्याकडे सध्या हॉलिवूडचे अनेक प्रोजेक्ट्स आहेत. हिंदी चित्रपटांबाबत सांगायचं झाल्यास 'द व्हाइट टायगर' हा तिचा प्रदर्शित झालेला शेवटचा हिंदी चित्रपट होता. प्रियांकाला फरहान अख्तरच्या 'जी ले जरा' या चित्रपटासाठी साइन करण्यात आलं होतं. मात्र तिच्या इतर प्रोजेक्टमुळं तिनं या चित्रपटातून माघार घेतली. प्रियांका ही बऱ्याचदा पती निक जोनस कॉन्सर्टमध्ये दिसते. ती जोनास ब्रदर्सच्या कॉन्सर्टचे फोटोही आपल्या सोशल मीडिया पेजवर पोस्ट करत असते.

हेही वाचा :