Pathan makes history again : पठाणने पुन्हा रचला इतिहास, 100 हून अधिक देशांमध्ये प्रदर्शित होणारा पहिला चित्रपट, जगभरात मिळाले इतके स्क्रीन्स

शाहरुख खानचा पठाण चित्रपट जगभरातील 100 हून अधिक देशांमध्ये प्रदर्शित होणार आहे. असे करणारा पठाण हा भारतीय चित्रपटसृष्टीतील पहिलाच चित्रपट ठरणार आहे.

मुंबई - शाहरुख खानचा बहुप्रतिक्षित पठाण चित्रपट प्रदर्शित होण्यास २४ तासही उरले नाहीत. उद्या (२५ जानेवारी) सकाळी ९ वाजता मुंबईतील गेटी थिएटरमध्ये हा चित्रपट सुरू होणार आहे. शाहरुखचे चाहते आता 24 जानेवारीचा दिवस संपण्याची आतुरतेने वाट पाहत आहेत. पठाण चित्रपट रिलीज होण्यापूर्वी विक्रम करत आहे आणि अ‍ॅडव्हान्स बुकींगमध्ये खूप मोठी कमाई करत आहेत. आता ट्रेड अ‍ॅनालिस्ट तरण आदर्श यांनी एक ट्विट जारी केले आहे. या ट्विटनुसार, शाहरुख खानचा 'पठाण' हा चित्रपट बॉलिवूडमध्ये एक नवा इतिहास रचणार आहे.

काय आहे तरण आदर्शचे ट्विट? - तरण आदर्शने ट्विट करून म्हटले आहे की, हा एक विक्रम आहे.. हा चित्रपट परदेशात 100 हून अधिक देशांमध्ये 2500 हून अधिक स्क्रीनवर प्रदर्शित होणार आहे, जो भारतीय चित्रपटातील आतापर्यंतचा सर्वात मोठा विक्रम आहे. महामारीनंतर हा सर्वात मोठा विक्रम आहे. आता आगाऊ बुकिंगची संख्या 4 लाख 19 हजारांवर पोहोचली असून मंगळवार (24 जानेवारी)चा संपूर्ण दिवस आणि रात्र अद्याप बाकी असून आगाऊ बुकिंग सुरू आहे. या चित्रपटाने आगाऊ बुकिंगमध्ये 20 कोटींची कमाई केली आहे. असे करून पठाणने रणबीर-आलियाच्या 'ब्रह्मास्त्र' चित्रपटाच्या आगाऊ बुकिंग कमाईचा (19.66 कोटी) विक्रम मोडला आहे.

बाहुबली-2 (6.50 लाख तिकिटे) आगाऊ बुकिंगच्या बाबतीत आघाडीवर आहे. यानंतर KGF-2 (5.15 लाख) चा क्रमांक येतो. यानंतर पठाण ४.१९ लाख अ‍ॅडव्हान्स बुक करून तिसऱ्या क्रमांकावर आहे. पठाणनंतर आता हृतिक रोशन आणि टायगर श्रॉफचा वॉर (4.10 लाख) आणि शेवटी अमिताभ बच्चन आणि आमिर खान स्टारर फ्लॉप चित्रपट 'ठग्स ऑफ हिंदोस्तान' (3.46 लाख) यानंतर पठाण हा चित्रपट 25 जानेवारीला रिलीज होणार आहे. शाहरुख खान, जॉन अब्राहम आणि दीपिका पदुकोण या चित्रपटात जबरदस्त अ‍ॅक्शन सीन्स आणि स्टंट करताना दिसणार आहेत.

यशराज फिल्म्सच्या वतीने बनलेल्या पठाणसाठी आगाऊ बुकिंग २० जानेवारी रोजी उघडण्यात आले. हा चित्रपट संपूर्ण भारतात ५,००० स्क्रीन्समध्ये प्रदर्शित होणार असल्याची माहिती आहे. सकाळी 6 वाजता शो असणारा हा शाहरुख खानचा पहिला चित्रपट आहे. ट्रेड तज्ज्ञ तरण आदर्श म्हणाले की पठाण बॉलीवूडला पुनरुज्जीवित करेल आणि उद्योगासाठी एक विलक्षण अशी 2023 ची सुरुवात करेल. चित्रपट उद्योगाला कोविडच्या काळात मोठी घसरण लागली होती.

पठाण ओपनिंग डे बॉक्स ऑफिस, अंदाजानुसार ट्रेड तज्ज्ञांच्या मते पठाण बॉक्स ऑफिसवर ऐतिहासिक सुरुवात करणार आहे. जर इंडस्ट्रीमध्ये बझ असेल तर पठाणचे ओपनिंग डे कलेक्शन सुमारे 45 ते 50 कोटी रुपये असेल. बॉक्स ऑफिसच्या पुनरुज्जीवनाची सुरुवात पठाण'पासून होईल, विशेषत: त्याची आगाऊ बुकिंग पाहता, जे फार दुर्मीळ आहे. कामाचा दिवस असूनही 2023 ची सुरुवात चांगली आहे.

हेही वाचा - Rg Vs Sensational Tweet: एसएस राजामौलीवर हल्ला करणाऱ्या पथकात राम गोपाल वर्माचा समावेश, रामूचे ४ ड्रिंक डाऊन ट्विट