मुंबई - ‘मी पुन्हा येईन’ ( Mi Punha Yein ) या मराठी राजकीय व्यंगात्मक वेबसिरीजचा टीझर सोमवारी प्रदर्शित झाला. या मालिकेचे कथानक विडंबन आणि व्यंगाच्या माध्यमातून सतत बदलणाऱ्या राजकारणाच्या जगावर आधारित आहे.
गीतकार-लेखक अरविंद जगताप ( Arvind Jagtap ) यांनी दिग्दर्शित केलेल्या या मालिकेत सयाजी शिंदे, उपेंद्र लिमये, सिद्धार्थ जाधव, रुचिता जाधव आणि भरत गणेशपुरे या मराठी मनोरंजन उद्योगातील काही दिग्गज कलाकार आहेत. अरविंद जगताप यांच्यासोबत यश जाधव यांनी या मालिकेचे सहदिग्दर्शन केले आहे.
- " class="align-text-top noRightClick twitterSection" data="">
टीझर रिलीजच्या प्रसंगी, दिग्दर्शक अरविंद जगताप यांनी शेअर केले, "आम्हाला आशा आहे की ही मालिका प्रेक्षकांच्या पसंतीस उतरेल. कथा प्रेक्षकांना तिच्या विश्वासार्ह, अविश्वसनीय आणि हास्यास्पद परिस्थितींनी चिकटून ठेवेल याची खात्री आहे. "मी पुन्हा येईन' हा राजकारणाच्या जगाचा आरसा आहे, एका नवीन अवतारासह यावर मिळणारा प्रतिसाद पाहण्यासाठी आम्ही उत्सुक आहोत."
मालिका लवकरच प्लॅनेट मराठी OTT प्लॅटफॉर्मवर येईल. प्लॅनेट मराठी ओटीटीचे प्रमुख आणि संस्थापक अक्षय बर्दापूरकर यांनी एका निवेदनात म्हटले आहे की, "मी पुन्हा येईन' हे राजकारणाच्या सतत विकसित होत असलेल्या जगावर एक समकालीन राजकीय व्यंगचित्र आहे. प्रेक्षकांना या प्रकारच्या राजकीय शैलीचा आनंद कमी एक्सप्लोर केलेल्या, विशेषतः मराठी OTT वर पाहण्याची संधी मिळेल. आमच्या मूळ, अपारंपरिक सामग्रीच्या अभूतपूर्व स्लेटमध्ये ही एक भर आहे आणि लवकरच ही मालिका पाहण्यासाठी आम्ही उत्सुक आहोत."
या मालिकेची निर्मिती गौतम कोळी यांनी केली आहे. जेम क्रिएशन्स ही मालिकेची निर्मिती संस्था असून आशिष नरखेडकर कार्यकारी निर्माता म्हणून काम करत आहेत. ‘मी पुन्हा येईन’ची रिलीज डेट लवकरच निर्माते जाहीर करतील.
हेही वाचा - सलमान खान मराठीत झळकणार, रितेश देशमुखच्या ‘वेड’चे चित्रीकरण झाले पूर्ण!
