मुंबई : बॉलिवूडचा 'रूह बाबा' कार्तिक आर्यनने बॉक्स ऑफिसवर पुन्हा एकदा दबदबा निर्माण केला आहे. कार्तिकचा चित्रपट 'सत्यप्रेम की कथा' आज म्हणजेच 29 जून रोजी प्रदर्शित झाला आणि पहिल्याच दिवशी या चित्रपटाने वर्चस्व गाजवले आहे. 'सत्यप्रेम की कथा' हा चित्रपट लोकांच्या पसंतीस उतरला आहे. याशिवाय ट्विटरवर प्रेक्षक या चित्रपटाला ब्लॉकबस्टर म्हणत आहेत. दरम्यान, चित्रपट व्यापार विश्लेषक तरण आदर्श यांनीही 'सत्यप्रेम की कथा' हा चांगला चित्रपट आहे असे त्यांनी सांगितले आहे. मनोरंजनच्या बाकी साइट्सनी देखील पुनरावलोकनांमध्ये चित्रपटाला चांगले स्टार दिले आहेत. पहिल्याच दिवशी चित्रपटाला मिळालेले यश पाहून कार्तिक आर्यन बाप्पाचे आशीर्वाद घेण्यासाठी मुंबईच्या सिद्धिविनायक मंदिरात पोहोचला आहे. यावेळी कार्तिकने गुलाबी रंगाचे शर्ट आणि डेनिमचा पॅन्ट परिधान केला आहे. या कॅज्युअल लूकमध्ये तो फार सुंदर दिसत आहे.
कार्तिक आर्यन पोहोचला सिद्धिविनायक मंदिरात : कार्तिक आर्यन हा आलिशान काळ्या कारमधून खाली उतरला आणि बाप्पाचे आशीर्वाद घेण्यासाठी थेट सिद्धिविनायक मंदिरात गेला. तसेच बाप्पाने त्याची इच्छा पूर्ण केल्याबद्दल त्याने आभार मानले. ईदला प्रदर्शित झालेल्या चित्रपटाची आता चांदी झाली आहे. हा चित्रपट पहिल्याच दिवशी 7 ते 10 कोटींचा गल्ला जमवू शकतो असे बोलले जात आहे, मात्र शनिवार आणि रविवारी हा चित्रपट बॉक्स ऑफिसवर मोठा व्यवसाय करणार आहे हे मात्र निश्चित आहे. या चित्रपटात कार्तिक आर्यनसोबत बॉलिवूडची सुंदर अभिनेत्री कियारा अडवाणी देखील आहे. याआधी ही हिट जोडी 'भूल भुलैया 2' या चित्रपटात दिसली होती आणि या चित्रपटाने 250 कोटींहून अधिकचा व्यवसाय केला होता.
'सत्यप्रेम की कथा' हा चित्रपट ब्लॉकबस्टर घोषीत : आता सर्वांच्या नजरा या चित्रपटाच्या पहिल्या दिवसाच्या कलेक्शनवर खिळल्या आहेत. तसेच 'सत्यप्रेम की कथा' हा चित्रपट ब्लॉकबस्टर आहे हे सकाळीच प्रेक्षकांनी घोषीत केले होते. त्यामुळे हा चित्रपट काही दिवसात १०० कोटीचा आकडा पार करणार असे दिसत आहे. तर दुसरीकडे आता १६ जून रोजी प्रदर्शित झालेल्या आदिपुरुष या वादग्रस्त चित्रपटाकडे कोणी बघत देखील नाही आहे. आता हे स्पष्ट होत आहे की आदिपुरुष या चित्रपटाचा लवकरच रूपेरी पडद्यावर टाटा बाय बाय होणार आहे. दरम्यान गेल्या २६ दिवसांपासून बॉक्स ऑफिसवर राज्य करत असलेला विक्की कौशल आणि सारा अली खानचा कौटुंबिक ड्रामा 'जरा हटके जरा बचके' यांच्या कमाईवरही कार्तिक कियाराच्या चित्रपटामुळे मोठा परिणाम होणार आहे.
हेही वाचा :
