करीना आणि सैफने स्वित्झर्लँडमध्ये घेतला स्विस डिश फॉन्ड्यूचा आस्वाद

सैफ अली खान आणि करीना कपूर लग्न झाल्यापासून दरवर्षी स्वित्झर्लँडमधील आल्प्समध्ये गस्टडला भेट देतात. मात्र गेल्या तीन वर्षात कोरोनामुळे त्यांच्या या भेटीमध्ये खंड पडला होता. मात्र यावर्षी नाताळसाठी ही जोडी दोन्ही मुलांसह स्विसआल्प्समध्ये गस्टडला दाखल झाले आहेत. इथे त्यांनी स्विस डिश फॉन्ड्यूचा आस्वाद घेतला.

मुंबई - बॉलिवूड अभिनेत्री करीना कपूर खानने बुधवारी सकाळी तिचा पती सैफ अली खानचा त्यांच्या स्विस सुट्टीतील एक सुंदर फोटो शेअर केला. करीनाने इंस्टाग्रामवर शेअर केलेल्या दिलंय, "Fondue Ufff."

फोटोत सैफ एका रेस्टॉरंटमध्ये स्विस डिश, फॉन्ड्यूचा ( Fondue ) आनंद घेताना दिसत आहे, यामध्ये त्याचा चेहऱ्यावरील हास्यभाव स्पष्ट दिसत आहेत.

सैफने स्वित्झर्लँडमध्ये घेतला स्विस डिश फॉन्ड्यूचा आस्वाद

अलीकडेच करीना तिचा पती सैफ आणि मुले तैमूर आणि जेहसह तीन वर्षांच्या विश्रांतीनंतर नवीन वर्ष साजरे करण्यासाठी स्वित्झर्लंडच्या गस्टड (( Gstaad ) येथे रवाना झाले.

2012 मध्ये लग्न झाल्यापासून करीना कपूर जवळजवळ दरवर्षी सैफ अली खानसोबत स्विस आल्प्समध्ये गस्टडला भेट देत आहे. मात्र अलिकडे कोरोनामुळे संपूर्ण जगच ठप्प झाले होते, यामुळे त्यांच्या या भेटीस अडथळा निर्माण झाला.आता जग पूर्ववत झाल्यानंतर दोघांनीही पुन्हा एकदा या आपल्या आवडत्या ठिकाणाला चीन वर्षीानंतर भेट दिली आहे. अलीकडेच करीनाने तिच्या इंस्टाग्राम स्टोरीजवर तिच्या आवडत्या प्रवासाच्या ठिकाणाचा एक फोटो शेअर केला आणि फोटोला कॅप्शन दिले, "तुझ्यासाठी तीन वर्षे वाट पाहिली."

करीना आणि सैफच्या लग्नाला जवळपास 10 वर्षे झाली आहेत. दोघांनी LOC कारगिल (2003) आणि ओंकारा (2006) मध्ये एकत्र काम केले होते, परंतु 2008 मध्ये आलेल्या 'टशन' चित्रपटाच्या सेटवरच ते प्रेमात पडले होते. आणि 16 ऑक्टोबर 2012 रोजी त्यांनी लग्नगाठ बांधली.

2016 मध्ये, दोघे मुलगा तैमूरचे पालक झाले आणि फेब्रुवारी 2021 मध्ये त्यांनी जेहचे स्वागत केले.

सैफने करिनाच्या आधी अमृता सिंगशी लग्न केले होते आणि त्यांना सारा अली खान आणि इब्राहिम अली खान ही दोन मुले आहेत.

करीना शेवटची कौटुंबिक मनोरंजन 'लाल सिंह चड्ढा' चित्रपटामध्ये आमिर खानसोबत दिसली होती. अद्वैत चंदन दिग्दर्शित हा चित्रपट बॉक्स ऑफिसवर प्रेक्षकांना प्रभावित करण्यात अपयशी ठरला. ती यापुढे दिग्दर्शक सुजॉय घोष यांच्या थ्रिलर चित्रपटात दिसणार आहे जी 'द डिव्होशन ऑफ सस्पेक्ट एक्स' या पुस्तकावर आधारित आहे. यात विजय वर्मा आणि जयदीप अहलावत यांच्याही भूमिका आहेत. याशिवाय तिच्याकडे दिग्दर्शक हंसल मेहता यांचा पुढचा अनटायटल चित्रपट आहे.

दुसरीकडे, सैफ नुकताच ऋतिक रोशन आणि राधिका आपटे यांच्या विरुद्ध 'विक्रम वेधा' या अॅक्शन थ्रिलर चित्रपटात दिसला होता. अभिनेता प्रभास आणि क्रिती सेनॉन यांच्यासोबत आगामी पॅन इंडिया चित्रपट 'आदिपुरुष' मध्ये तो दिसणार आहे.

हेही वाचा - गांधी गोडसेची शाहरुखच्या पठाण चित्रपटाशी बॉक्स ऑफिसवर होणार टक्कर