मुंबई - सिंघम चित्रपटाची अभिनेत्री काजल अग्रवाल आणि तिचा व्यावसायिक पती गौतम किचलू यांनी बुधवारी त्यांच्या नवजात मुलाचे नाव उघड केले. काजलने एका मुलाला जन्म दिल्याचे वृत्त मंगळवारी व्हायरल झाले परंतु जोडप्याने अधिकृतपणे ही बातमी जाहीर केली नव्हती. एका दिवसानंतर गौतमने इन्स्टाग्रामवर त्यांच्या मुलाचे नाव सांगितले.
- " class="align-text-top noRightClick twitterSection" data="
">
मंगळवारी सकाळी मुंबईतील एका खासगी रुग्णालयात बाळाचा जन्म झाला. आई आणि मूल दोघेही ठीक आहेत. काजल आणि गौतमने बाळाचे नाव 'नील किचलू' असे ठेवले आहे. इंस्टाग्रामवर गौतमने बुधवारी मुलाचे नाव उघड केले आणि लिहिले, "आमची अंतःकरणे भरली आहेत आणि आम्ही कृतज्ञ आहोत. तुमच्या प्रेम आणि आशीर्वादांसाठी सर्वांचे आभार."
काजल आणि गौतमने जानेवारीत गरोदरपणाची घोषणा केली होती. या जोडप्याने ऑक्टोबर 2020 मध्ये लग्न केले. दरम्यान, कामाच्या आघाडीवर, काजल शेवटची दुल्कर सलमान आणि अदिती राव हैदरी यांच्यासोबत हे सिनामिकामध्ये दिसली होती. याशिवाय ती चिरंजीवी, राम चरण आणि पूजा हेगडे यांच्यासोबत तिचा 'आचार्य' चित्रपट प्रदर्शित होण्याची वाट पाहत आहे. हा चित्रपट 29 एप्रिल रोजी चित्रपटगृहात प्रदर्शित होणार आहे.
हेही वाचा -अभिनेत्री काजल अग्रवालचं आफ्टर मॅरेज फोटोशूट पाहिलंत का?
