मुंबई - बॉलिवूडचा प्रसिद्ध गायक जुबिन नौटियालच्या चाहत्यांसाठी एक वाईट बातमी आहे. झुबिनला रुग्णालयात दाखल करण्यात आले आहे. पायऱ्यांवरून पडल्यामुळे सिंगरच्या डोक्याला आणि बरगडीला दुखापत झाली आहे. याशिवाय त्याच्या कपाळावरही खोल जखम आहे. जुबिन नौटियाल याला मुंबईतील रुग्णालयात दाखल करण्यात आले आहे. गोड आवाजाचा जादूगार असलेल्या झुबिनबद्दल बोलले जात आहे की, त्याच्या कोपराचे हाड तुटले आहे.
याशिवाय डोक्याला, कपाळाला आणि बरगड्याला झालेल्या जखमाही गंभीर असल्याचं सांगण्यात येत आहे. मीडिया रिपोर्ट्सनुसार, सिंगरच्या उजव्या हातावर ऑपरेशन होणार आहे. अशा परिस्थितीत उजव्या हाताचा जास्त वापर न करण्याचा सल्ला डॉक्टरांनी दिला आहे.
नुकतेच या गायकाचे 'तू सामने' हे नवीन गाणे रिलीज झाले आहे. या गाण्यात जुबिनसोबत श्रीलंकन गायक योहानी दिसत आहे. गाणे लाँचिंगच्या वेळीही दोघे एकत्र दिसले होते.
जुबिन नौटियाल सध्या बॉलीवूडमधील गायकांच्या यादीत टॉप चॉईस आहे. झुबिनने एकामागून एक हिट गाणी गायली आहेत. तो रोमँटिक, दर्दभरी आणि प्रेमगीतांसाठी अधिक प्रसिद्ध आहे. झुबिनच्या आवाजाची जादू चाहत्यांच्या मनावर थेट परिणाम करते.
जुबिन नौटियालची गाणी - जुबिनच्या गाण्यांबद्दल बोलायचे झाले तर, त्याने बॉलिवूडशिवाय अनेक म्युझिक अल्बमसाठी गायले आहे. त्याचबरोबर झुबिन आता पडद्यावर त्याच्याच गाण्यांमध्ये दिसत आहे. तसे तर झुबिनचे प्रत्येक गाणे हिट झाले आहे. त्याने गायलेली हिट गाणी आजही त्याच्या चाहत्यांच्या ओठावर आहेत. यामध्ये इमरान हाश्मी स्टारर 'लूट गए', 'तुम ही आना', 'दिल गलती कर बैठा है' आणि 'तारों के शहर' यासह अनेक हिट गाण्यांचा समावेश आहे.
हेही वाचा - ज्येष्ठ निर्माते के मुरलीधरन यांचे हृदयविकाराच्या झटक्याने निधन
