हैदराबाद - ज्युनियर एनटीआर या नावाने प्रसिद्ध असलेला अभिनेता नंदामुरी तारका रामाराव ज्युनियर, २० मे रोजी आपला ४० वा वाढदिवस साजरा करत आहे. जगभरातील त्याचे चाहते हा दिवस उत्सवासारखा साजरा करत आहेत. हा रांगडा तेलुगू स्टार त्याच्या चाहत्यांना खूप आवडतो. सोशल मीडिया प्लॅटफॉर्मवर त्याच्या वाढदिवसानिमित्त चाहत्यांनी शुभेच्छांचा पाऊस पाडला आहे. अगदी कॅनडा आणि जपानमधील चाहतेही त्याचा हा खास दिवस ऑनलाइन समोर आलेल्या व्हिडिओंमध्ये मोठ्या प्रमाणावर उत्साहाने साजरा करताना दिसतात.
- " class="align-text-top noRightClick twitterSection" data="
">
ज्युनियर एनटीआर बर्थडे सेलेब्रिशन - एका व्हिडिओमध्ये, ज्युनियर एनटीआरचे जपानी चाहते त्याचा वाढदिवस त्याचे कटआउट्स प्रदर्शित करून आणि मेणबत्त्या आणि केकसह संपूर्ण जागा सजवून साजरा करताना दिसत आहेत. दुसर्‍या व्हिडिओमध्ये, कॅनेडियन चाहत्यांनी ज्युनियर एनटीआरचे झेंडे हातात घेतले आणि त्याला 'वाढदिवसाच्या शुभेच्छा' देताना दिसले. यातून ज्युनियर एनटीआर त्याच्या चाहत्यांचे किती प्रेम आहे हे व्हिडिओवरून स्पष्टपणे दिसून येते. आंध्रप्रदेश आणि तेलंगणात ज्यनियर एनटीआरचा फार मोा चाहता वर्ग आहे. त्याचे अनेक फॅन्स क्लब आहेत. या फॅन्स क्लबच्या वतीने वाढदिवसाची जंगी तयारी करण्यात आली आहे. अनेक ठिकाणी रक्तदान शिबीरांचेही आयोजन करण्यात आले आहे, तर काही ठिकाणी गरीबींसाठी अन्नदान, फळ व मिठाई वाटप असे उपक्रमही चाहते राबवत आहेत.
- " class="align-text-top noRightClick twitterSection" data="
">
आरआरआर चात्रपटाला जागतिक यश - ज्युनियर एनटीआर प्रेमींसाठी, हे वर्ष खूप खास आहे कारण आनंदाची दोन महत्त्वाची कारणे आहेत. एका बाजूला आरआरआर चित्रपटाला मिळाले आंतरराष्ट्रीय पातळीवरील यश आणि दुसऱ्या बाजूला सिंहाद्री चित्रपटाचे पुन:रिलीज यामुळे चाहत्यांसाठी हा दिवस अधिक विशेष बनला आहे. याव्यतिरिक्त, त्याच्या आगामी #NTR30 आणि #NTR31 चित्रपटांच्या अपडेटमुळे एनटीआरच्या चाहत्यांना प्रोत्साहन मिळाले आहे.
वॉर २ मध्ये हृतिक रोशनसोबत ज्युनियर - ज्युनियर एनटीआरच्या आगामी चित्रपटांच्या लाइनअपमध्ये वॉर 2 देखील समाविष्ट आहे. यशराज फिल्म्सद्वारे निर्मिती केलेल्या अयान मुखर्जी दिग्दर्शित स्पाय अॅक्शन थ्रिलरमध्ये अभिनेता हृतिक रोशनसोबत ज्युनियर एनटीआर झळकणार आहे.
