मुंबई - Jawan Box Office Collection Day 11: शाहरुख खानचा 'जवान' चित्रपट बॉक्स ऑफिसवर जबरदस्त कमाई करत आहे. हा चित्रपट रिलीज होऊन 10 दिवस झाले आहेत. या चित्रपटानं गेल्या वीकेंडला प्रचंड कमाई केली होती आणि एकाच दिवसात सर्वाधिक कमाई करणार चित्रपट ठरला होता. 'जवान' आता दुसऱ्या वीकेंडमध्ये देखील बॉक्स ऑफिसवर प्रचंड कमाई करत आहे. मिळालेल्या माहितीनुसार या चित्रपटानं नवव्या दिवशी 400 कोटीचा आकडा बॉक्स ऑफिसवर पार केला. 'जवान'नं प्रचंड जलद गतीनं बॉक्स ऑफिसवर कमाई केली आहे.
जवानचं एकूण बॉक्स ऑफिस कलेक्शन : 'जवान'नं जागतिक बॉक्स ऑफिसवर 700 कोटींचा टप्पा पार केला आहे. या चित्रपटाला पहिल्या दिवसापासूनच प्रेक्षकांचा प्रचंड प्रतिसाद मिळत आहे. हा चित्रपट दररोज नवे विक्रम रचत आहे. 'जवान' चित्रपटानं ओपनिंग डेला 75 कोटाचा व्यवसाय केला. त्यानंतर दुसऱ्या दिवशी 53.23 कोटी, तिसऱ्या दिवशी 77.83 कोटी, चौथ्या दिवशी 80.1 कोटी , पाचव्या दिवशी 32.92 कोटी, सहाव्या दिवशी 26 कोटी, सातव्या दिवशी 23.2 कोटी, आठव्या दिवशी 21.6 कोटी आणि नव्या दिवशी 21 कोटी आणि 'जवान' 10 व्या दिवशी 31.50 कोटींचा व्यवसाय केला आहे आणि यासोबतच चित्रपटाचं एकूण कलेक्शन 440.48 कोटी रुपये झाले आहे. हा चित्रपट अकराव्या दिवशी 35 कोटी कमाई करू शकतो. यासह चित्रपटाचं एकूण कलेक्शन 474.89 कोटी होईल.
'जवान'ची सक्सेस पार्टी : 'जवान'च्या निर्मात्यांनी नुकतेच मुंबईत 'जवान' चित्रपटाची सक्सेस पार्टी आयोजित केली होती. या पार्टीमध्ये किंग खान दीपिका पदुकोण, विजय सेतुपती, अ‍ॅटली आणि संगीतकार अनिरुद्ध रविचंदर आणि चित्रपटामधील इतर काही कलाकार उपस्थित होते. या पार्टीमध्ये नयनतारा अनुपस्थित होती. या पार्टीमध्ये 'जवान' टिमनं खूप एन्जॉय केला. शाहरुख खानचा 'जवान' चित्रपट 7 सप्टेंबर रोजी थिएटरमध्ये प्रदर्शित झाला. 'जवान'नंतर आता किंग खान त्याच्या आगामी 'डिंकी' चित्रपटात दिसणार आहे. यंदाच्या ख्रिसमसला हा चित्रपट प्रदर्शित होणार आहे. 'डिंकी' हा शाहरुख खानचा या वर्षातील तिसरा चित्रपट असेल. या चित्रपटात तापसी पन्नू त्याच्यासोबत स्क्रीन शेअर करताना दिसेल.
हेही वाचा :
