दीपिका पदुकोण आणि हृतिक रोशन स्टारर 'फायटर'च्या ट्रेलर रिलीजची तारीख ठरली

Fighter trailer release date : 'फायटर'च्या निर्मात्यांनी हृतिक रोशन आणि दीपिका पदुकोण यांच्या प्रमुख भूमिका असलेल्या चित्रपटाच्या ट्रेलर रिलीजची तारीख लॉक केली आहे. त्यामुळे चित्रपटाबद्दलची प्रतीक्षा अखेर सुरू झाली आहे.

मुंबई - Fighter trailer release date : दीपिका पदुकोण आणि हृतिक रोशन स्टारर आगामी एरियल अ‍ॅक्शनर 'फायटर'बद्दलची उत्सुकता ताणली आहे. या चित्रपटाचा ट्रेलर कधी रिलीज होणार याची प्रतीक्षा सुरू होती. अखेर निर्मात्यांनी ट्रेलर रिलीजची तारीख लॉक केली आहे. सोशल मीडियावर निर्मात्यांनी घोषित केले की 'फायटर'चा ट्रेलर 15 जानेवारी रोजी प्रदर्शित होईल. शाहरुख खानच्या अलीकडील रिलीज झालेल्या चित्रपटाच्या प्रमोशन स्टॅटेजीला फॉलो करत 'फायटर'चे पहिल्यांदा संगीत आणि त्यानंतर ट्रेलर रिलीज करण्यात आला होता. आतापर्यंत 'फायटर'च्या निर्मात्यांनी चित्रपटातील तीन गाण्यांसह चाहत्यांना ट्रीट केले आहे, तर आता ट्रेलर रिलीज केला जाणार आहे.

मारफ्लिक्स पिक्चर्स या प्रॉडक्शन बॅनरने मुख्य कलाकारांच्या पहिल्या लूकच्या आकर्षक पोस्टरसह इंस्टाग्रामवर रोमांचक बातम्या शेअर केल्या आहेत. कॅप्शनमध्ये लिहिले आहे, "लक्ष्य निश्चित केले आहे. फायटर ट्रेलर 15 जानेवारी रोजी भारतीय वेळेनुसार दुपारी 12 वाजता रिलीज केला जाईल."

8 डिसेंबर 2023 रोजी रिलीज झालेल्या चित्रपटाच्या टीझरला सकारात्मक प्रतिसाद मिळाला आहे. यामध्ये हृतिकला स्क्वाड्रन लीडर शमशेर पठानिया (पॅटी), दीपिका स्क्वॉड्रन लीडर मीनल राठौर (मिन्नी) आणि अनिल ग्रुप कॅप्टन राकेश जय सिंग (रॉकी) च्या भूमिकेत दाखवले होते. 1-मिनिट 14-सेकंदाचा टीझरमध्ये उंच उडणारे हवाई जहाज, थराराक अनुभव देणारे हवाई स्टंट्स आणि विशाल दादलानी आणि शेखर रावजियानी यांनी संगीतबद्ध केलेल्या शेर खुल गए, इश्क जैसा कुछ आणि हीर अस्मानी या तीन लोकप्रिय गाण्यांची झलक दिसली होती. 'सुजलाम सुफलाम' या उत्कंठावर्धक ट्यूनच्या पार्श्‍वभूमीवर सेट केलेल्या कलाकारांच्या पार्टी ट्रॅकसह आणि हृतिक आणि दीपिका यांच्यातील एक संस्मरणीय चुंबनाने टीझरचा समारोप झाला होता.

'फायटर' चित्रपटात दीपिका आणि हृतिक रोशनची पहिल्यांदाच ऑन-स्क्रीन जोडी पाहायला मिळणार आहे. सिद्धार्थ आनंद दिग्दर्शित फायटर चित्रपट येत्या 25 जानेवारी रोजी मोठ्या पडद्यावर येण्यासाठी सज्ज आहे. 250 कोटी रुपयांच्या बजेटमध्ये बनलेला हा भव्य चित्रपट नेत्रसुखद दृष्यांचा समावेश असेल.

फायटर चित्रपटाचे शूटिंग खऱ्या सुखोई विमानात करण्यात आलंय. प्रामुख्याने आसाममधील तेजपूर एअर फोर्स स्टेशन, हैद्राबाद जवळील दुंडीगल एअर फोर्स अकादमी आणि काश्मीरमधील पहलगाम बेस येथे खऱ्या भारतीय लढाऊ विमान सुखोईसह हवाई तळांवर शूट पार पडले होते.

हेही वाचा -