मुंबई - बॉलिवूड अभिनेत्री उर्वशी रौतेलाने शुक्रवारी रात्री अबू धाबी येथे आंतरराष्ट्रीय भारतीय चित्रपट अकादमी पुरस्कार सोहळा (IIFA) 2023 मध्ये तिच्या लक्षवेधी पोसाखाने सर्वांना मंत्रमुग्ध केले. ग्रँड अवॉर्ड नाईटसाठी ऑल-व्हाइट फेदर गाउन परिधान केलेली उर्वशी अगदी कथेतील परीसारखी दिसत होती. या कार्यक्रमात तिला क्रिकेटपटू ऋषभ पंतबद्दल विचारण्यात आले, परंतु तिने या प्रश्नाकडे दुर्लक्ष केले आणि चला आयफाबद्दल बोलू, असे म्हटले.
व्हिडिओमध्ये, मुलाखतकाराने ऋषभ पंतबद्दल विचारले असता, उर्वशी म्हणाली, 'मी आयफामध्ये आहे. आम्ही चित्रपट साजरे करत आहोत, आम्ही कलाकार, दिग्दर्शन आणि प्रत्येक गोष्ट साजरी करत आहोत. त्यामुळे याबद्दल बोलूयात, क्रिकेटबद्दल नको'. यावर मुलाखत घेणाऱ्याने पुढे विचारले की, 'पण तुम्ही एक क्रिकेटच्या चाहत्या आहात, चाहत्या म्हणून बोला'. यावर उर्वशीने मुलाखत घेणाऱ्यालाच प्रतिप्रश्न केला आणि विचारले, 'ठीक आहे, मी तुम्हाला प्रश्न विचारते. तुम्हाला वाटते की आयपीएल कोण जिंकणार आहे?' मुलाखतकाराने उत्तर दिले, 'जो सर्वोत्तम आहे तोच जिंकेल'. हाच प्रश्न त्याने उर्वशीला विचारला असता ती म्हणाली, 'मला खरोखर धोनीमुळे चेन्नई सुपर किंग्ज जिंकायला हवे आहेत'.
उर्वशी रौतेलाने प्रतिष्ठित कान्स फिल्म फेस्टिव्हल २०२३ मध्ये तिच्या सुंदर पोशाखांनी प्रेक्षकांना प्रभावित केले. कान्स फिल्म फेस्टिव्हलच्या ७६ व्या आवृत्तीच्या उद्घाटन समारंभात तिच्या अनोख्या फॅशन स्टाईलमुळे ती चर्चेत आली होती. गुलाबी रंगाचा रफल गाऊन परिधान करून तिने कान्सच्या रेड कार्पेटवर बाजी मारली. मात्र, तिच्या मगरीच्या चोकरने सर्वांचे लक्ष वेधून घेतले. उर्वशीच्या कार्टियर मगरमच्छ दागिन्यांवर नेटिझन्सच्या संमिश्र प्रतिक्रिया उमटल्या होत्या.
रेड कार्पेटवर काहीतरी अनोखे आणल्याबद्दल काहींनी अभिनेत्री उर्वशीचे कौतुक केले, तर सोशल मीडिया युजर्सच्या एका भागाने तिला तिच्या स्टाईलबद्दल ट्रोल केले. त्यासोबतच तिने कान्सच्या रेड कार्पेटवर तिच्या अनोख्या 'बर्डी लूक'ने प्रेक्षकांना थक्क केले. दरम्यान, वर्क फ्रंटवर, उर्वशी नुकतीच अभिनेता रणदीप हुड्डा विरुद्ध इन्स्पेक्टर अविनाश ही वेब सीरिज प्रेक्षकांसाठी घेऊन आली आहे.
हेही वाचा - Iulia Vantur Singing Salman Song : सलमानच्या गाण्यावर थिरकली युलिया वंतूर, भाईजानचे चाहते झाले बेकाबु
