मुंबई - स्ट्रीमिंग प्लॅटफॉर्म नेटफ्लिक्सने मंगळवारी अँथनी आणि जो रुसो दिग्दर्शित ''द ग्रे मॅन'' या हॉलिवूड चित्रपटामधील राष्ट्रीय पुरस्कार विजेता अभिनेता धनुषचा फर्स्ट लुक शेअर केला. धनुष हा नेटफ्लिक्स चित्रपटाच्या एकत्रित कलाकारांचा एक भाग आहे, ज्यामध्ये रायन गॉसलिंग, ख्रिस इव्हान्स, अॅना डी आर्मास, रेगे-जीन पेज, जेसिका हेनविक, बिली बॉब थॉर्नटन आणि वॅगनर मौरा यांचा समावेश आहे.
नेटफ्लिक्स इंडियाच्या अधिकृत ट्विटर अकाऊंटने चित्रपटातील एक स्टिल शेअर केला आहे ज्यामध्ये अभिनेता धनुष कारच्या वर अॅक्शन मोडमध्ये दिसत आहे. त्याच्या चेहऱ्यावर एक आक्रमकता आणि रक्त आहे. "द ग्रे मॅन' मधील धनुषचा पहिला लूक आला आहे.," स्ट्रीमर नेटफ्लिक्सने लिहिले आहे.
- " class="align-text-top noRightClick twitterSection" data="
">
मार्क ग्रेनीच्या 2009 च्या त्याच नावाच्या कादंबरीवर आधारित, ''द ग्रे मॅन' हा एक अॅक्शन-थ्रिलर चित्रपट असेल. निर्मात्यांनी इव्हान्स, गॉस्लिंग, डी अरमास (डॅनी मिरांडाची व्यक्तीरेखा ) आणि कार्माइकलची भूमिका करणाऱ्या पेजचे लूक देखील रिलीज केला आहे. 22 जुलैपासून या चित्रपटाचे नेटफ्लिक्सवर स्ट्रिमिंग सुरू होईल, अशी घोषणा त्यांनी केली. एका मुलाखतीत, धनुषने आधी सांगितले होते की त्याला ''द ग्रे मॅन''वर काम करायला आणि रुसो बंधूंसोबत सहयोग करताना आनंद होत आहे. "एक अतिशय चांगला शिकण्याचा अनुभव" असल्याचे तो म्हणाला होता.
हेही वाचा - जान्हवी कपूर जाणते चाहत्यांच्या हृदयात शिरण्याचा मार्ग, पाहा तिचे किलर फोटो
