मुंबई - महिला क्रिकेट स्टार झुलन गोस्वामीचा बायोपिक चकडा एक्सप्रेसचे शूटिंग पूर्ण झाले आहे. चित्रपटाचे शुटिंग शेड्यूल रॅप झाल्याची घोषणा अभिनेत्री अनुष्का शर्माने केली आहे.अनुष्का शर्माने इंस्टाग्रामवर शूटच्या शेवटच्या दिवसाचे काही फोटो शेअर केले. तिने ही माहिती दिली की, सुपरस्टार क्रिकेटर झुलन गोस्वामीने शूट संपवल्याबद्दल अंतिम क्लॅप दिली.
"हे #चकडा एक्सप्रेस रॅप आहे आणि शूट संपवण्यासाठी अंतिम क्लॅप दिल्याबद्दल झुलन गोस्वामीचे धन्यवाद," असे तिने पोस्टला कॅप्शन दिले. फोटोंमध्ये अनुष्का दिग्दर्शक प्रोसित रॉय आणि झुलनसोबत केक कापताना दिसत आहे. दुसऱ्या फोटोत अभिनेत्री दिग्दर्शकाला मिठी मारत असताना संपूर्ण टीम त्यांच्यासाठी टाळ्या वाजवत आहे. अनुष्काने झुलन सारखी दिसणारी क्रिकेट जर्सी घातली आहे.
- " class="align-text-top noRightClick twitterSection" data="
">
प्रॉसिट रॉय दिग्दर्शित चकडा एक्सप्रेस हा माजी भारतीय क्रिकेटपटू झुलन गोस्वामी यांच्या जीवनावर आधारित स्पोर्ट्स बायोपिक आहे, जो केवळ नेटफ्लिक्सवर प्रवाहित होईल. क्रिकेट खेळण्याचे तिचे एकमेव स्वप्न पूर्ण करण्यासाठी अगणित अडथळ्यांना न जुमानता ही वेगवान गोलंदाज कसा संघर्ष करते हे चित्रपटात दाखवण्यात आले आहे.
झुलनने भारतीय महिला राष्ट्रीय क्रिकेट संघाचे कर्णधारपद भूषवले होते आणि देशातील महत्त्वाकांक्षी क्रिकेटपटूंसाठी ती एक आदर्श आहे. 2018 मध्ये, तिच्या सन्मानार्थ भारतीय टपाल तिकीट जारी करण्यात आले. आंतरराष्ट्रीय कारकिर्दीत एका महिलेने सर्वाधिक विकेट घेण्याचा विश्वविक्रम तिच्या नावावर आहे.
झुलनचीही अनुष्का आहे फॅन - काही दिवसापूर्वी क्रिकेटर झुलन गोस्वामीने तिच्या सोशल मीडिया अकाउंटवर "आस्क मी एनीथिंग" सेशन सुरू केले ज्यामध्ये एका चाहत्याने तिला अभिनेत्री अनुष्का शर्माचे एका शब्दात वर्णन करण्यास सांगितले, ज्यावर झुलनने "फेव्हरेट" असे उत्तर दिले. यानंतर अभिनेत्री अनुष्कानेही स्टोरी शेअर केली आणि आनंदी आणि लाल हृदयाचे इमोटिकॉन टाकले.
चित्रपटाच्या अंतिम प्रदर्शनाची तारीख अद्याप प्रलंबित आहे. ए दिल है मुश्कील अभिनेत्री अनुष्का शर्मा तिच्या कारकिर्दीत पहिल्यांदाच क्रिकेटरची भूमिका साकारणार आहे. अनुष्काचा भाऊ कर्णेश शर्मा त्याची होम प्रोडक्शन कंपनी क्लीन स्लेट फिल्मझसोबत चकडा एक्सप्रेसची निर्मिती करत आहे.
अनुष्काने अलीकडेच काला या चित्रपटातील तिच्या कॅमिओने सर्वांना आश्चर्यचकित केले. चित्रपटातील तिची उपस्थिती अत्यंत गुप्त ठेवण्यात आली होती आणि असे दिसते की ते रिलीजनंतर खूप चर्चेचा विषय बनली आहे. चकडा एक्सप्रेस हा चित्रपट कधी प्रदर्शित होतोय याकडे अनुष्का शर्मासह झुलन गोस्वामीच्या चाहत्यांच्या नजरा लागल्या आहेत.
हेही वाचा - विकी कौशलचा सांता अवतार, कॅटरिना कैफने कुटुंबासह साजरा केला ख्रिसमस
