Anushka Sharma Pregnant ? : विराट कोहलीच्या घरी पुन्हा हलणार पाळणा, अनुष्का शर्मा दुसऱ्यांदा होणार आई

Anushka Sharma Pregnant ? : अनुष्का शर्मा आणि विराट कोहलीबाबत एक मोठी बातमी समोर आली आहे. आता हे स्टार कपल 'हम दो हमारे दो' म्हणत कुटुंब बनविणार आहे. अनुष्का ही दुसऱ्यांदा आई होणार आहे.

मुंबई - Anushka Sharma Pregnant ? : अनुष्का शर्मा आणि विराट कोहलीच्या चाहत्यांसाठी एक आनंदाची बातमी आहे. या जोडप्याच्या घरात नवीन पाहुण्याचे लवकरच आगमन होणार आहे. वामिकानंतर आता हे कपल होणाऱ्या दुसऱ्या बाळाचं स्वागत करणार आहे. मिळालेल्या माहितीनुसार अनुष्का शर्मा बऱ्याच दिवसापासून कोणत्याही सार्वजनिक कार्यक्रमात दिसलेली नाही. याशिवाय असेही म्हटलं जातंय की, अनुष्का आणि विराट नुकतेच मॅटर्निटी क्लिनिकमध्ये स्पॉट झाले होते. प्रेगनेंसीबाबत ते लवकरच घोषणा करतील असं आश्वासन देऊन पापाराझींना फोटो शेअर न करण्याची विनंती केली त्यांनी केली होती. सध्या अनुष्का सार्वजनिक कार्यक्रमापासून अंतर राखत आहे. मिळालेल्या माहितीनुसार अनुष्काचा दुसरा किंवा तिसरा महिना सुरू आहे.

• View this post on Instagram

  A post shared by AnushkaSharma1588 (@anushkasharma)

वामिकाचा चेहरा लपविला होता : अनुष्का आणि विराटनं आपली मुलगी वामिकाचा चेहरा बऱ्याचं दिवस जगापासून लपविला होता. वामिकाचा चेहरा मीडियानं दाखवू नये, अशी विनंती या दोघांनी आधीच केली होती. विराटनं एका मुलाखतीत याविषयी सांगितलं होतं की, 'आम्ही ठरवले आहे की जोपर्यंत ती स्वतःला समजत नाही आणि सोशल मीडियावर येण्याचा निर्णय घेत नाही तोपर्यंत आम्ही तिचा चेहरा दाखवणार नाही'. अनेकदा जेव्हा तिघेही एकत्र दिसतात तेव्हा पापाराझी वामिकासोबत असताना फोटो क्लिक करत नाही, जर फोटो क्लिक झाल्यास तिचा चेहरा दाखवत नाहीत. 2017मध्ये अनुष्का शर्मानं विराट कोहलीसोबत इटलीमध्ये मोठ्या थाटामाटात लग्न केलं होतं. हे खूप भव्य आणि शाही लग्न होत. या लग्नात काही सेलेब्रिटीनाचं आमंत्रण होतं.

• View this post on Instagram

  A post shared by AnushkaSharma1588 (@anushkasharma)

अनुष्काचा आगामी चित्रपट : अनुष्काच्या प्रोफेशनल लाईफबद्दल बोलायचं झालं तर ती बऱ्याच दिवसांपासून मोठ्या पडद्यावर दिसलेली नाही. ती शेवटची 2018 मध्ये 'झिरो' या चित्रपटात दिसली होती. या चित्रपटामध्ये तिच्यासोबत शाहरुख खान आणि कतरिना कैफ हे देखील मुख्य भूमिकेत होते. या चित्रपटानंतर तिनं निर्माता म्हणून काम करायला सुरुवात केली. तिच्या प्रोडक्शन हाऊस अंतर्गत 'बुलबुल' आणि 'पाताळ लोक' यासारखे प्रोजेक्ट बनवले गेले आहेत. दरम्यान अनुष्कानं प्रॉडक्शन हाऊस सोडलं आहे. तिचा भाऊ एकटाच या प्रॉडक्शन हाऊसला सांभाळत आहे. आता अनुष्का 'चकडा एक्सप्रेस' या चित्रपटात दिसणार आहे. या चित्रपटात ती झुलन गोस्वामीची भूमिका साकारणार आहे. हा चित्रपट नेटफ्लिक्सवर प्रदर्शित होणार आहे.

हेही वाचा :