मुंबई - गायिका आणि महाराष्ट्र राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस यांचे नवीन गाणे प्रेक्षकांच्या भेटीस येत आहे. आजपर्यंत त्यांनी अनेक गाणी गायली असून त्यांचे जेव्हा गाणे रिलीज होते तेव्हा त्याला प्रचंड व्ह्यूव्ज मिळतात हा आजवरचा अनुभव आहे.
अमृता फडणवीस यांनी त्यांच्या इन्स्टाग्रामवर एक फोटो पोस्ट केला असून त्याच्या कॅप्शनमध्ये त्यांनी हिंदीत लिहिलंय, ''अज मैं मूड बणा लेया ए ए ए, तेरे नाल ही नचणा वे !!.'' या कॅप्शनवरुन हे स्पष्ट झाले आहे की आगामी गीत हे मराठीत नसून पंजाबी भाषेतील आहे. टी सिरीज निर्मिती हे गाणे येत्या ६ जानेवारीला प्रदर्शित होणार आहे. नवीन वर्षातील हे त्यांचे पहिलेच गाणे आहे. या वर्षातील हे सर्वात मोठे बॅचलोरेट अँथम, असेल असेही अमृता यांनी पुढे लिहिलंय.
- " class="align-text-top noRightClick twitterSection" data="
">
अमृता फडणवीस यांनी शेअर केलेल्या फोटोमध्ये त्यांचा नवीन लूक पाहायला मिळत आहे. यामध्ये त्यांनी आधुनिक कपडे परिधान केले असून त्यांचा हा हटके लूक सध्या सोशल मीडियावर चर्चेचा विषय बनला आहे. गाण्याचे बोल आणि त्यांचे कपडे यामुळे गाण्याबद्दलची उत्कंठा वाढली नसेल तरच नवल.
वयाच्या सहाव्या वर्षापासून शास्त्रीय संगीताचे प्रशिक्षण घेतलेल्या अमृता फडणवीस यांनी विविध सामाजिक कार्यक्रमांमध्ये गाण्याचे सादरीकरण केले आहे, तसेच अनेक व्यावसायिक आणि सामाजिक चित्रपटांसाठी त्यांनी गाणी गायली आहेत. प्रकाश झा यांच्या जय गंगाजलमधील "सब धन माती" या गाण्यातून त्यांनी पार्श्वगायिका म्हणून पदार्पण केले. भाजप नेते गोपीनाथ मुंडे यांच्या जीवनावर आधारित बायोपिक संघर्ष यात्रामध्येही त्यांनी तिने एक गाणे गायले आहे.
म्युझिक व्हिडिओ "फिर से" या पहिल्याचा म्यूझिक व्हिडिओमध्ये त्या अमिताभ बच्चनसोबत झळकल्या होत्या. या गाण्याला प्रचंड व्यूव्ज मिळाले होते.
2018 मध्ये, त्यांनी "मुंबई रिव्हर अँथम" हे गाणे मुंबई-पोईसर, दहिसर, ओशिवरा आणि मिठी या चार नद्या वाचवण्यासाठी होते. 2020 मध्ये अॅसिड हल्ल्यातील पीडितांसाठी "अलग मेरा ये रंग है" आणि महिला सक्षमीकरणासाठी "तिला जगू द्या" अशी गाणी त्यांनी गायली आहेत.
2022 मध्ये महाशिवरात्रीच्या निमित्ताने फडणवीस यांनी एक नवीन गाणे लाँच केले, जे संस्कृत स्तोत्र शिव तांडव स्तोत्राचे सादरीकरण होते. टाईम्स म्युझिकने रिलीज केलेल्या या गाण्यालाही प्रचंड प्रतिसाद मिळाला होता.
अमृता फडणवीस या व्यवसायाने एक भारतीय बँकर आहेत. यासोबतच त्यांनी आपली गायनाची आवड जोपासली आहे. गायिक आणि सामाजिक कार्यकर्त्या अशीही त्यांची नवी ओळख आहे. त्यांच्या या छंदाला देवेंद्र फडणवीस यांनी नेहमीच पाठींबा दिला आहे. देवेंद्र फडणवीस यांनी 2006 मध्ये अमृता रानडे यांच्याशी लग्न केले. त्यांना दिविजा फडणवीस नावाची मुलगी आहे.
हेही वाचा - बालकलार रुहानिका धवनने वयाच्या १५ व्या वर्षी घेतले मुंबईत कोट्यवधींचे घर
