नवी दिल्ली : अलकाने वयाच्या अवघ्या सहाव्या वर्षी कोलकात्याच्या रेडिओ स्टेशनवर गाणे सुरू केले. यानंतर दिग्गज पार्श्वगायिकेने बॉलीवूड इंडस्ट्रीला आपके प्यार में, जिंदगी बन गए, दिल के बदले सनम, हर दिल जो प्यार करेगा यासह अनेक हिट गाणी दिली.
आईकडूनच घेतले संगीताचे प्राथमिक शिक्षण : अलका याज्ञिक यांचा जन्म 20 मार्च 1966 रोजी कोलकाता येथे राहणाऱ्या गुजराती कुटुंबात झाला. अलकाच्या वडिलांचे नाव धर्मेंद्र शंकर आणि आईचे नाव शोभा याज्ञिक आहे. विशेष म्हणजे अलकाची आई देखील एक उत्तम गायिका आहे. अलका यांनी संगीताचे प्राथमिक शिक्षण आईकडूनच घेतले. गायिकेने वयाच्या अवघ्या सहाव्या वर्षी रेडिओ स्टेशनच्या माध्यमातून आपली जादू चालवायला सुरुवात केली. त्याच वेळी तिला करिअरमध्ये मोठा ब्रेक मिळाला.
अशी झाली सुरूवात : वयाच्या 14 व्या वर्षी अलकाला 'पायल के झंकार' मधील 'थिरकत अंग लचक झुक्की' हे गाणे गाण्याची संधी मिळाली. लोकांना हे गाणे खूप आवडले. तेंव्हापासून अलकासाठी कामाची ओढ सुरू झाली. यानंतर 1981 मध्ये प्रदर्शित झालेल्या अमिताभ बच्चन यांच्या 'लावारीस' या चित्रपटातील 'मेरे अंगने' या गाण्याला अल्काने आवाज दिला. 1988 मध्ये आलेल्या 'तेजाब' चित्रपटातील 'एक दो तीन' गाण्यानंतर अलकाला पार्श्वगायिका म्हणून ओळख मिळाली. 'एक दो तीन' नंतर अलकाने आतापर्यंत जवळपास 700 चित्रपटांसाठी गाणी गायली आहेत. पार्श्वगायिका म्हणून तिला दोनदा राष्ट्रीय पुरस्काराने सन्मानित करण्यात आले आहे. या गायिकेला तिच्या उत्कृष्ट गायनासाठी सात फिल्मफेअर पुरस्कारही मिळाले आहेत.
60 कोटी रुपयांची मालकीण : अलका याज्ञिक 80 लाख डॉलर्स म्हणजेच भारतीय चलनात 60 कोटी रुपयांची मालकीण आहे. एका गाण्यासाठी अलका १२ लाख रुपये घेते. तिने काही काळ कोणतेही गाणे गायले नाही. अलका याज्ञिक सध्याच्या काळात संगीतातील बदल हे काम न मिळण्याचे कारण मानतात. पर्सनल लाइफवर नजर टाकली तर अलकाने नीरज कपूरसोबत १९८९ मध्ये लग्न केले, पण दोघेही गेल्या २७ वर्षांपासून वेगळे राहत आहेत.
