मुंबई - सोनी टीव्हीवरील 'कॉमेडी नाइट्स विथ कपिल शर्मा' शो प्रेक्षकांमध्ये खूप प्रसिद्ध आहे. कॉमेडी किंग कपिल शर्माची कॉमेडी लोकांना खूप आवडते. त्यामुळे त्याच्या चाहत्यांची यादीही मोठी आहे. चित्रपटाच्या प्रमोशनसाठी अनेक बॉलिवूड सेलिब्रिटी शोमध्ये पोहोचतात. याच क्रमात सुपरस्टार कमल हासन ३ जूनला प्रदर्शित होणाऱ्या 'विक्रम' चित्रपटाच्या प्रमोशनसाठी शोमध्ये पोहोचले होते. शोमध्ये कमल हासनच्या आगमनाने कपिल खूप आनंदी आणि उत्साहित दिसत होता.
- " class="align-text-top noRightClick twitterSection" data="
">
कपिल शर्माने त्याच्या इंस्टाग्राम अकाऊंटवर फोटो शेअर केला आणि सांगितले की कमल हसनचे त्याच्या शोमध्ये येणे हे स्वप्न पूर्ण झाल्यासारखे आहे. फोटो शेअर करत कपिलने लिहिले, 'जेव्हा तुमची स्वप्ने सत्यात उतरतात, आमच्या चित्रपट उद्योगातील दिग्गज कमल हासन यांच्यासोबत घालवलेला अप्रतिम वेळ.. सर, किती अप्रतिम अभिनेता आणि किती अद्भुत माणूस आहेत. आमच्या शोला शोभा देण्यासाठी धन्यवाद. 'सर'साठी खूप खूप प्रेम आणि 'विक्रम' साठी शुभेच्छा.
कमल हासन यांचा आगामी चित्रपट 'विक्रम' 3 जून रोजी थिएटरमध्ये रिलीज होत आहे. विशेष म्हणजे कमल हसन पहिल्यांदाच चित्रपटाच्या प्रमोशनसाठी कपिल शर्माच्या शोमध्ये पोहोचले आहेत. 'विक्रम' हा एक अॅक्शन थ्रिलर चित्रपट आहे जो तमिळ, तेलगू, हिंदीसह अनेक भाषांमध्ये प्रदर्शित होणार आहे.
हेही वाचा - नताशा पूनावालाचे लक्ष वेधून घेणारे विलक्षण 'फॅशन प्रेम' पाहा फोटो
