दोन जागतिक किर्तीच्या सौंदर्यवती महिलांनी लग्न केले असल्याचे उघड झाले आहे. 2020 मध्ये मिस अर्जेंटिना बनलेली मारियाना वरेला आणि मिस प्वेर्तो रिको जिंकणाऱ्या फॅबिओला व्हॅलेंटिन यांनी उघड केले की त्यांनी दोन वर्षे गुप्तपणे डेटिंग केल्यानंतर लग्न केले आहे.
- " class="align-text-top noRightClick twitterSection" data="
">
2020 मध्ये मिस ग्रँड इंटरनॅशनल (MGI) मध्ये दोघे भेटले आणि स्पर्धा संपल्यानंतर संपर्कात राहून मैत्री झाली. या मैत्रीचे रुपांत एकमेकांच्या प्रेमात झाले. गेली दोन वर्षे त्यांनी आपल्या भेटीगाठी व प्रेम जगापासून लपवले होते. 30 ऑक्टोबर रोजी त्यांनी त्यांच्या लग्नाची घोषणा सोशल मीडियावरुन केल्यानंतर दोघींच्याही चाहत्यांना धक्का बसला आहे. कॅप्शनमध्ये त्यांनी असे सुचवले आहे की वेरेला आणि व्हॅलेंटीन यांनी 28 ऑक्टोबर रोजी लग्न केले होते.
“आमचे नाते खासगी ठेवण्याचा निर्णय घेतल्यानंतर, आम्ही एका खास दिवसासाठी आमचे दरवाजे उघडले. 28/10/22,” असे त्यांनी लिहिल्याचे एका मॅगझिनने म्हटले आहे.
वेरेला आणि व्हॅलेंटीनच्या या लग्नाच्या घोषणेनंतर त्यांच्या पोस्टवर MGI स्पर्धेतील काही सहकारी स्पर्धकांसह अभिनंदन संदेशांचा पूर आला आहे. “ओमजी अभिनंदन MGI ने एक सुंदर युनियन एकत्र आणले,” असे अबेना अकुआबा या 2020 मध्ये स्पर्धा जिंकणारी घानाची मॉडेलने लिहिले आहे.
पोर्तो रिकोमध्ये 2015 पासून समलिंगी विवाह कायदेशीर आहे, तर अर्जेंटिनाने 2010 मध्ये याला कायदेशीर मान्यता दिली आहे.
हेही वाचा - 'पठाण'च्या टिझरवर आलिया भट्ट, दीपिका पदुकोणसह बॉलिवूड अभिनेत्री फिदा
