पाटणा - कन्हैया कुमार सीपीआयकडून लोकसभेची निवडणूक लढवत आहेत. यानिमित्ताने बेगूसराय येथे कन्हैया कुमारचा प्रचार करण्यासाठी बॉलीवूड अभिनेते प्रकाश राज पोहचले आहेत. यावेळी प्रकाश राज म्हणाले, मी सुद्धा भारताचा रहिवासी आहे. कन्हैया कुमार देशाचा बुलंद आवाज आहे. संसदेत कन्हैयासारख्या लोकांची गरज आहे.
प्रकाश राज म्हणाले, कन्हैया या देशाचा मुलगा आहे. यासाठी मी कन्हैयाचा प्रचार करण्यासाठी आलो आहे. ही निवडणूक कोणाचा विरोध करण्यासाठी नाही. ही जनतेची निवडणूक आहे. कोणाला शिव्या देण्याची गरज नाही. कन्हैया सामान्य जनतेच्या समस्या आणि आवाज संसदेत पोहचवेल.
निवडणुकीत कोणता नेता किंवा पक्ष जिंकत नाही. जर योग्य उमेदवाराची निवड झाली तर जनतेचा विजय होतो. यासाठी निवडणूक ही जनतेच्या विजयाचा किंवा पराभवाचा प्रश्न आहे. बेगूसरायमधील लोकांमध्ये कमालीची उत्साह आहे. येथील लोकांनी मला खूप प्रेम दिले आहे. यामुळे मी आनंदी आहे, असेही ते प्रचाराच्यावेळी म्हणाले.
