मीरा भाईंदर (ठाणे) - मिरा भाईंदर महानगरपालिका मुख्यालयातील सार्वजनिक बांधकाम विभागाच्या कार्यालयाबाहेर दोन कंत्राटदारांची हाणामारी झाल्याची घटना घडली आहे. यात दोघांना गंभीर दुखापत झाल्यामुळे दोघांविरुद्ध भाईंदर पोलीस ठाण्यात गुन्हा दाखल करण्यात आला आहे.
ठेक्यासाठी कंत्राटदारमध्ये हाणामारी-
सूत्रांकडून मिळालेल्या माहितीनुसार, एका विशिष्ट नगरसेवकांच्या प्रभागात विकास काम करण्याकरिता या दोघांनी निविदा भरल्याने वाद झाला असल्याचे उघडकीस आले आहे. यात दोघांना गंभीर दुखापत होऊन रक्त वाहू लागल्याने खळबळ उघडली. त्यामुळे या घटनेची तक्रार भाईंदर पश्विम येथील पोलीस ठाण्यात करण्यात आली आहे. भाईंदर पोलिसांनी दोघांविरुद्ध गुन्ह्यांची नोंद करण्यात आली, अशी माहिती भाईंदर पोलीस ठाण्याचे वरिष्ठ पोलीस निरीक्षक मुगुतराव पाटील यांनी दिली.
हेही वाचा- सरकारने खुशाल चौकशी करावी, आम्ही पुरावे न्यायालयात सादर करू - फडणवीस
