मीरा भाईंदर(ठाणे)- मीरा भाईंदर मध्ये कोरोना रुग्णांची मोठ्या संख्येने वाढ होत आहे. महापालिका क्षेत्रात शनिवारी १८२ कोरोनाबाधित रुग्ण वाढले आहेत. कोरोना रुग्णांच्या मृत्यूची संख्या देखील वाढत आहे.तर कोरोनामुक्त झालेल्यांची संख्या देखील समाधानकारक आहे.
मीरा भाईंदर शहरात शनिवारी १८२ नवे रुग्ण आढळून आले आहेत.या सर्व जणांचा कोविड १९ चाचणी अहवाल पॉझिटिव्ह आला आहे. यामध्ये सौम्य लक्षणे असलेल्या रुग्णांची संख्या जास्त आहे.तर तीव्र लक्षणे असलेल्यांची संख्या कमी आहे.मीरा भाईंदरमध्ये कोरोनाबाधितांची एकूण संख्या ६ हजार ४२२ झाली आहे.
मीरा भाईंदरमध्ये दिवसभरात ४ जणांचा मृत्यू झाल्यामुळे आतापर्यंत एकूण २१९ रुग्णांचा मृत्यू झाला आहे.तर १२० जणांनी कोरोनावर मात केली असून त्यांना रुग्णालयातून डिस्चार्ज देण्यात आला आहे.आतापर्यंत ४९१९ जण कोरोनामुक्त झाले असून ८६८ जणांचा कोविड अहवाल प्रतीक्षेत आहे. सध्या १२८४ रुग्णांवर उपचार सुरु आहे.अशी माहिती मीरा भाईंदर जनसंपर्क अधिकारी यांच्या कडून देण्यात आली.
दरम्यान, महापालिका क्षेत्रातील हॉटस्पॉट झोनमध्ये लॉकडाऊन 31 जुलैपर्यंत वाढवण्यात आला आहे.
