सोलापूर - शहरात सुरू असलेल्या स्मार्ट सिटीच्या कामामध्ये प्रंचड मोठ्या प्रमाणावर सावळा गोंधळ सुरू असल्याचे प्रत्येक दिवशी समोर येत आहे. स्मार्ट सिटीअंतर्गत होणारी कामे ही सोलापूरकरांना प्रचंड त्रासदायक ठरत आहेत. स्मार्ट सिटीच्या कामाबाबत सोलापूरकरांमधून नाराजी व्यक्त होत असताना प्रशासन मात्र स्मार्ट सिटीच्या कामाकडे पूर्णपणे दूर्लक्ष करत असल्याचा आरोप नागरिकांमधून केला जात आहे.
हेही वाचा - करमाळ्यात परतीच्या पावसाने पिकाची नासाडी, नुकसान भरपाईची शेतकऱ्यांची मागणी
सोलापूर शहरात स्मार्ट सिटी योजनेअंतर्गत कामे सुरू कऱण्यात आली आहेत. जी रस्ते चांगली होती त्याच रस्त्यांची कामे हाती घेऊन अधिकाऱ्यांनी आपली बूद्धीमत्ता दाखवली खरी मात्र, या रस्त्यांची कामे होते असताना सोलापूरकरांना मात्र त्याचा प्रचंड त्रास सहन करावा लागत आहे. सोमवारी सकाळी तर स्मार्ट सिटीच्या कामामुळे शुद्ध पिण्याच्या पाण्याची जलवाहिनी फोडण्यात आली. जलवाहिनी फोडल्यामुळे पत्रकारनगरमधील रहिवाशांच्या घरात पाणीच पाणी शिरले होते.
हेही वाचा - 1 नोव्हेंबरपासून बँकांचे 'हे' नियम बदलणार; राज्यभरात लागू होणार सुधारित वेळापत्रक
सिव्हिल चौकातील कुकूबाई हॉस्पिटल शेजारील पाईलपाईल फुटल्याने पत्रकारनगर, आशिर्वादनगरमधील अनेकांच्या घरात पाणी शिरले आहे. स्मार्ट सिटीच्या कामामुळे सोलापूरकरांमधून तीव्र नाराजी व्यक्त केली जात आहे.
