सोलापूर - भारतरत्न डॉ. बाबासाहेब आंबेडकरांच्या 131 व्या ( Dr. Babasaheb Ambedkar Jayanti 2022 ) जयंतीनिमित्त सोलापुरात आज (गुरुवारी) दिवसभर एका रुपयात एक लीटर पेट्रोल ( One liter petrol for one rupee Solapur ) वाटप करण्यात आले आहे. पेट्रोल 1 रुपयांत मिळत असल्याने पेट्रोल भरण्यासाठी वाहनचालकांची तुफान गर्दी उसळली उसळल्याचे पाहायला मिळाले. ही गर्दी नियंत्रनात आणण्यासाठी पेट्रोल पंप चालकाने पोलीस बंदोबस्त मागविला होता. मोदी सरकार किंवा केंद्र सरकारमुळे पेट्रोलचे दर ( central government has increased petrol prices ) गगनाला भिडले आहेत. मोदी सरकारला संदेश देण्यासाठी 1 रुपयांत पेट्रोल उपलब्ध करून दिले आहे, अशी प्रतिक्रिया आयोजकांनी दिली आहे.
'केंद्र सरकारला संदेश देण्यासाठी 1 रुपयांत पेट्रोल' : एकीकडे दिवसेंदिवस महागाईचा सामान्य जनतेला फटका सहन करावा लागत आहे. दुसरीकडे डॉ. बाबासाहेब आंबेडकर जयंती निमित्त सोलापुरातील नागरिकांना पेट्रोल 1 रुपये लीटर मिळत असल्याने थोडासा दिलासा मिळाला आहे. महागाईने सर्वसामान्य नागरिकांचे कम्बरडे मोडले आहे. पेट्रोलच्या दरवाढीचा परिणाम प्रत्येक नागरिकाला भोगावा लागत आहे. त्यामुळे पेट्रोल 1 रुपयांत उपलब्ध करून केंद्र सरकारला संदेश देण्याचा प्रयत्न केला असल्याची माहिती राहुल सर्वगोड यांनी दिली आहे.
500 वाहनचालकांना 1 रुपयांत पेट्रोल : जयंती निमित्त गुरुवारी दिवसभर या योजनेचा लाभ घेता येणार आहे. जवळपास 500 लिटर पेट्रोलचे वितरण या ठिकाणाहून होणार असून 500 लाभार्थ्यांना याचा फायदा मिळणार आहे. या योजनेचा लाभ घेण्यासाठी सकाळपासूनच पेट्रोल पंपावर तुंबळ गर्दी दिसून आली.
