पुण्यात जबरी चोरी ! शेतकऱ्याचा बंगल्यातून 155 तोळे दागिने लंपास, 88 लाखांच्या मुद्देमालावर चोरट्यांचा हात साफ

चोरट्यांनी बंगल्याच्या मागील बाजूने आत प्रवेश केला. त्यानंतर कपाटात असणारे 155 तोळे सोन्याचे दागिने, चांदीचे दागिने, वेगवेगळ्या देशाची परकीय चलन, चाळीस हजारांची रोख रक्कम असा एकूण 88 लाख 38 हजाराचा ऐवज लंपास केला आहे.

पुणे - हडपसर पोलीस स्टेशनच्या हद्दीत एक जबरी चोरीचा प्रकार उघडकीस आला आहे. एका शेतकऱ्याच्या बंद असलेल्या बंगल्यातून चोरट्यांनी तब्बल 88 लाख 38 हजार रुपयांचा ऐवजावर हात साफ केला आहे. चोरीची ही घटना शुक्रवारी उघडकीस आली आहे. या प्रकरणी शेतकरी विवेक चोरघडे (वय 47) यांनी हडपसर पोलीस ठाण्यात तक्रार दाखल केली आहे.

शेतकऱ्याचा बंगल्यातून 155 तोळे दागिने लंपास

याप्रकरणी अधिक माहिती अशी की, विवेक चोरघडे या शेतकऱ्याची बागायती शेती आहे. हडपसर पोलीस स्टेशनच्या हद्दीतील शेवाळेवाडी भागातील शेतजमिनीवर त्यांचा प्रशस्त बंगला आहे. हा बंगला बंद अवस्थेत असताना चोरट्यांनी बंगल्याच्या मागील बाजूने आत प्रवेश केला. त्यानंतर कपाटात असणारे 155 तोळे सोन्याचे दागिने, चांदीचे दागिने, वेगवेगळ्या देशाची परकीय चलन, चाळीस हजारांची रोख रक्कम असा एकूण 88 लाख 38 हजाराचा ऐवज लंपास केला आहे. बंगल्यात चोरी झाल्याचे निदर्शास आल्यानंतर चोरघडे यांनी तत्काळ हडपसर पोलिसांनी या घटनेची माहिती दिली.

शेतकऱ्याचा बंगल्यातून 155 तोळे दागिने लंपास

या चोरीची माहिती मिळताच हडपसर पोलिसांनी विवेक चोरघडे यांच्या बरकत या बंगल्यात भेट देऊन पाहणी केली. या बंगल्याच्या आवारात सीसीटीव्ही कॅमेरे बसवले आहेत. परंतु मागील काही दिवसांपासून ते बंद अवस्थेत होते. हडपसर पोलिसांनी या प्रकरणी गुन्हा दाखल केला असून गुन्हे शाखेचे पोलीस निरीक्षक दिगंबर शिंदे अधिक तपास करीत आहेत.