पुणे - सर्वत्र 31 ऑगस्ट पासून गणेशोत्सवाला सुरवात होत आहे. पुणे शहरात 3566 सार्वजनिक गणेशोत्सव मंडळे असून घरगुती गणपतींची संख्या ही 454686 इतकी आहे. यंदाच्या गणेशोत्सवात पुणे शहरातील पोलीस आयुक्त ते सर्व पोलीस कर्मचारी मिळून यंदा 7 हजारहून अधिक पोलिसांचा बंदोबस्त असणार आहे. Police Commissioner Amitabh Gupta press conference तसेच, पुणे शहरात गणेशोत्सव काळात कायदा व सुव्यवस्था अबाधित राहावी याकरीता 1709 लोकांवर प्रतिबंधात्मक कारवाई करण्यात आली आहे, अशी माहिती यावेळी गुप्ता यांनी दिली आहे.
गणेशोत्सव साजरा करण्याबाबत मार्गदर्शक सूचना गणेश उत्सव काळात पुणे शहरात कायदा व सुव्यवस्था अबाधित राहावे. Public Ganeshotsav Pune गणेशोत्सव शांततेत पार पडावा यासाठी गणेशोत्सव मंडळाचे पदाधिकारी कार्यकर्ते शांतता समिती, पोलीस मित्र समिती, पोलीस आयुक्त परिमंडळ, पोलीस उपयुक्त तसेच पोलीस स्टेशन स्तरावर एकूण 61 बैठका घेण्यात आल्या असून गणेशोत्सव मंडळाच्या पत्रिका कार्यकर्ते यांना यंदाचा गणेशोत्सव साजरा करण्याबाबत मार्गदर्शक सूचना देण्यात आल्या आहेत.
चोरीचे प्रमाण देखील वाढू नये गणेशोत्सव प्राणप्रतिष्ठापना आणि विसर्जनच्या कालावधीत किरकोळ मद्यविक्रीच्या सर्व अनुज्ञप्ती (एफएस-२, एफएल-३, सीएल-३, एफएलबीआर-२, फॉर्म-ई फॉर्म ई-२ व ८.४.-१) बंद ठेवण्याचे आदेश जिल्हाधिकारी, पुणे यांकडून प्राप्त झाले आहेत. तसेच, गणेशोत्सवाच्या काळात ज्या ज्या वेळेस वाहतुकीचे बदल होणार आहे त्या त्या बाबतीत मार्गदर्शक सूचना देण्यात येणार आहे. यंदा गणेशोत्सव मोठ्या उत्साहात साजरा होत असला, तरी गणेशोत्सवाच्या काळात मोठ्या प्रमाणात गर्दी होत असते. या गर्दीत कुठलाही अनुचित प्रकार घडू नये. तसेच, चोरीचे प्रमाण देखील वाढू नये. यासाठी वेगवेगळे पथक नेमण्यात आले आहे. असे देखील यावेळी गुप्ता म्हणाले आहेत.
हेही वाचा - लोकांना फोडून सरकार स्थापन करण्याचं सध्या काम चाललयं, शरद पवारांचा भाजपावर निशाणा
