ओबीसी मोर्चा : आंदोलन स्थगित, ताब्यात घेतलेल्या आंदोलकांची पोलिसांनी केली सुटका..

पुणे : आपल्या विविध मागण्यांसाठी आज सकाळी ओबीसी समाजाने पुण्यात मोर्चाचे आयोजन केले होते. शनिवारवाडा ते जिल्हाधिकारी कार्यालय असा हा मोर्चा आयोजित करण्यात आला होता. मात्र, या मोर्चाला पोलिसांनी परवानगी नाकारल्यामुळे, आंदोलकांची धरपकड करण्यात आली. यानंतर आता दुपारी एकच्या सुमारास हा मोर्चा स्थगित करण्यात आल्याचे घोषित केले गेले. त्यानंतर पोलिसांनी ताब्यात घेतलेल्या आंदोलकांची सुटका केली आहे.