पुण्यात कोरोना रुग्णांच्या संख्येत वाढ, ९६३ नवे रुग्ण

आज (शनिवार) दिवसभरात पुणे शहरात ९६३ कोरोना पॉझिटिव्ह रुग्णांची वाढ झाली आहे.

पुणे - पुणे शहरात कोरोनाचा पुन्हा फैलाव होण्याची चिन्ह आहेत. दिवसाला ९०० पेक्षा जास्त कोरोना पॉझिटिव्ह रुग्ण आढळत आहेत. आज (शनिवार) दिवसभरात पुणे शहरात ९६३ कोरोना पॉझिटिव्ह रुग्णांची वाढ झाली आहे. कोरोनाच्या नवीन रुग्णांच्या संख्येवर नजर टाकली तर गेल्या २ आठवड्यापासून नव्या पॉझिटिव्ह रुग्णांच्या संख्येत लक्षणीय वाढ झाली आहे.

शुक्रवारी ५ मार्चला ८३० नवे रुग्ण शहरात आढळून आले होते. तर ४ मार्चला ९०४ रुग्ण, ३ मार्चला ८५३ रुग्ण, २ मार्चला ६८८ नवे रुग्ण शहरात आढळून आले आहेत.