पुणे- पुणे- नाशिक महामार्गावर वडगाव कांदळी येथे अज्ञात वाहनाच्या धडकेत बिबट्याचा मृत्यू झाला आहे. मध्यरात्री दिडच्या सुमारास हा अपघात झाला. बिबट दोन वर्षे वयाचा असून नर प्रजातीचा आहे. या नंतर वन विभागाने तातडीने घटनास्थळी धाव घेवून या बिबट्याचा पंचनामा केला व मृतदेह शवविच्छेदनासाठी पाठवला.
गेल्या अनेक दिवसांपासून बिबट व माणूस यांच्यातील संघर्ष वाढत चालला आहे. बिबट रात्री अन्न पाण्याच्या शोधात बाहेर पडत असताना अशा दुर्दैवी घटनांमुळे त्याचा मृत्यू होत आहे. त्यामुळे प्राणी प्रेमींमकडून नाराजी व्यक्त केली जात आहे. त्याचबरोबर बिबट्यांचा लोकवस्तीत वाढलेला वावर त्यांच्या संगोपनाला संकट बनत चालला आहे. त्यातच जुन्नर, आंबेगाव, खेड, शिरूर, तालुक्यात उसाच्या शेतीला जंगल समजुन बिबटे वावरत आहे. त्यामुळे वनविभागाने बिबट्यांच्या संगोपनासाठी वेळीच उपाययोजना करण्याची गरज आहे.
