पुणे - म्हणतात ना पुण्यात जे पिकत ते जगभरात विकल जात. असे नेहेमी विविध माध्यमातून म्हटल जाते पण आज याची प्रचिती आली आहे. कोणताही आनंदाचा क्षण असो की वाढदिवस असो आपण केक ( Cake ) घरी आणतच असतो.सध्या केकमध्ये देखील नवनवीन प्रयोग होत असून वेगवेगळ्या प्रकारे केक सध्या बाजारात विकले जात आहे. पण पुण्यातील पुरंदर तालुक्यातील मुबलक प्रमाणात उत्पादित होणाऱ्या रत्नदीप या पेरू पासून ( cake made from guava ) पुण्यातील सुप्रसिद्ध अशा कयानी बेकरीने ( Kayani Bakery ) केक बनविला आहे.आणि आत्ता या केकची चर्चा सर्वत्र सुरू झाली आहे.
अशी झाली सुरवात - पुरंदर तालुक्यात मोठ्या प्रमाणत विविध फळांचं उत्पादन केलं जात. या फळांपासून विविध पदार्थ बनवावे आणि ते देश विदेशात पोहचावे या उद्देशाने काही तरुणांनी पुरंदर हायलाईट्स ( Purandar highlights ) अशी कंपनी सुरू केली.आणि गेल्या दीड वर्षांपासून फळांपासून केक बनवण्याचा प्रयोग काही शेतकऱ्यांप्रती आस्था असणाऱ्या पुरंदर हायलाईट्सच्या माध्यमातून सुरू होत. पुरंदर तालुक्यात मुबलक प्रमाणात उत्पादित होणाऱ्या रत्नदीप या पेरूच्या वाणाची निवड करून पुरंदर तालुक्यातील शेतकरी, पुण्यातील कयानी बेकरी यानी एकत्र येत एक प्रयोग केला. त्यापासून पुरंदर पेरु केकची निर्मिती ( Production of Purandar Guava Cake in Pune ) केली आहे. या केकची चव ही विशेष असून लाल गर असणाऱ्या पेरुपासून याची निर्मिती करण्यात आली आहे.अशी माहिती यावेळी पुरंदर हायलाईट्सचे प्रमुख राहुल उरसळ यांनी यावेळी दिली.
पुरंदर केक अस देण्यात आल आहे नाव - पुरंदर परिसरात पिकणाऱ्या रत्नदीप या वाणाच्या पेरुचा कलर लाल असतो. आणि ते चवीला खूप गोड लागतो.कयानी बेकरीचे रुस्तम कयानी यांनी मार्गदर्शनाने गणेशोत्सवाच्या आधी पुरंदरच्या पेरूचा एगलेस केक बाजारात विक्रीसाठी उपलब्ध झालं आहे आणि गणेशोत्सवात मोठ्या प्रमाणात फक्त पुणेकर नागरिक नव्हे तर देश विदेशातून आलेल्या नागरिकांकडून याला पसंती मिळत आहे.दरोरोज कयानी बेकरी मध्ये 30 ते 40 केक बनविले जातात आणि विशेष म्हणजे या केक ला पुरंदरचा पेरू केक अस नाव देखील देण्यात आल आहे.
कयानी बेकरी ही प्रसिद्ध बेकरीपैकी एक - पुण्यातील कयानी बेकरी ही प्रसिद्ध बेकरीपैकी एक म्हणून ओळखली जाते. 1955 साली सुरू करण्यात आलेल्या या कयानी बेकरीच स्ट्रॉबेरी बिस्किटांसाठी खूप प्रसिद्ध आहे. आता त्यांनी पुरंदर पेरु केक पुण्याच्या बाजारपेठेत लाँच करुन पुढचं पाऊळ टाकलं आहे. यामुळं पेरु उत्पादक शेतकऱ्यांना नवा ग्राहकवर्ग निर्माण होणार आहे. आंब्याचा फ्लेवर असणारे केक देखील कयानी बेकरीमध्ये उपलब्ध आहेत. आता पेरुचा स्वाद असणारे केक देखील ग्राहकांना मिळत आहे.
पुरंदरच्या फळांना आंतरराष्ट्रीय बाजारात स्थान देणार - पुरंदर हायलँड्स एफपीसी लिमिटेडसाठी पुरंदर पेरु केकची निर्मिती महत्त्वाची ठरली आहे. यामुळं स्थानिक पिकाला राष्ट्रीय, आंतरराष्ट्रीय बाारपेठेत स्थान मिळून शेतकऱ्यांना फायदा होणार आहे. ही शेतकरी उत्पादक कंपनी अंजीर आणि सफरचंद निर्यातीचा देखील प्रयत्न करणार आहे.अस देखील यावेळी उरसळ यांनी सांगितल.
