पुणे : महाराष्ट्रामध्ये युवा नेते शिवसेनेचे आदित्य ठाकरे (Aditya Thackeray) सध्या नौटंकी करत आहेत. वेदांत फॉक्स्वान प्रकल्प ज्या जागी होणार होता, त्या जागी त्यांनी आंदोलन केलं. ती जागा तरी त्याने दिली होती का ? ती जागा सुद्धा दोन महिन्यापूर्वी आम्ही दाखवली, सगळं प्रस्तावाला होकार दिला होता. त्यामुळे आदित्य ठाकरे नौटंकी करत असून त्याचे राजकारण करत आहे. अशी टीका उपमुख्यमंत्री देवेंद्र फडणवीस यांनी पुण्यात आज आदित्य ठाकरे यांच्यावर केली (Devendra Fadnavis criticizes Aditya Thackeray) आहे.
राज्यात 'खोटं बोल पण रेटून बोल' कार्यक्रम सुरू - पुण्यातील मराठा चेंबर्स ऑफ कॉमर्स अँड एग्रीकल्चरच्या सर्वसाधारण सभेसाठी आज देवेंद्र फडणवीस पुण्यात आले (Devendra Fadnavis meeting in Pune) होते. त्यावेळी त्यांनी माध्यमांशी बोलताना प्रतिक्रिया दिलेली आहे. याचबरोबर जे मेडिकल डिवाइस औरंगाबादला जाणार आहे, त्याचा एक तरी कागद आदित्य ठाकरे यांनी दाखवावा. 'खोटं बोल पण रेटून बोल' असा कार्यक्रम सध्या राज्यात चालू असून त्याने महाराष्ट्र कधीच पुढे जाणार नाही. उलट महाराष्ट्राचे नुकसान होणार आहे. अडीच वर्षे तुम्ही सत्तेत होता, तुम्ही काय केलं ? त्यामुळे आम्ही आणखी जोमाने सगळ्या सुविधा देऊन, व्यापाराला अनुकूल वातावरण तयार करून महाराष्ट्र पुढे नेण्याची काम करू, असं सुद्धा देवेंद्र फडवणीस यांनी म्हटले आहे.
हमाल, माथाडी, कामगार या अशा संघटना आहेत, त्यामध्ये मोठ्या प्रमाणात राजकीय नेते आहेत. त्यामुळे उद्योजकांना ब्लॅकमेल केले जातात. ते यापुढे खपून घेणार नाही. या सर्वांना सुद्धा अटक केली जाईल. जे खरे हमाल आहेत माथाडी कामगार आहेत. त्यांना सगळ्या सुविधा मिळाल्या पाहिजे, पण त्यांच्या जीवावर जे राजकारण करतात ब्लॅकमेल करतात त्यांना कारवाई करण्याचे आदेश दिलेले आहेत. यात काही माझ्या आघाडीतील नेते सुद्धा आहेत. त्यामुळे त्यांच्यावर सुद्धा कारवाई करेल असा इशाराआता देवेंद्र फडवणीस यांनी दिला (Devendra Fadnavis criticizes in Pune) आहे.
पीएफआयच्या कार्यकर्त्यावर देशद्रोहाचा गुन्हा दाखल करण्याची आदेश - पुण्यातील पाकिस्तान जिंदाबादच्या घोषणा देणाऱ्या पीएफआयच्या कार्यकर्त्यावरती कडक कारवाई करण्याचे आदेश फडणवीसांनी दिले. महाराष्ट्रात अशा घोषणा देणाऱ्यांचा कधीही पाठीशी घातले जाणार नाही. त्यांच्यावर कडक कारवाई करण्यात येईल, असे आदेश आता देण्यात आलेले आहेत. त्याचबरोबर केंद्र सरकारसुद्धा या बाबतीत योग्य ती कारवाई करून बंदी घालण्याची प्रक्रिया करेल, पीएफआयच्या कार्यकर्त्यावर देशद्रोहाचा गुन्हा दाखल करण्याची आदेश मी दिलेले आहेत. त्याचबरोबर केंद्राने तसेच अनेक राज्याने केंद्राकडे या संघटनेवर बंदी घालावी, अशी मागणी केलेली आहे त्याचा योग्य निर्णय केंद्र सरकार घेईल असे त्यांनी यावेळी म्हटले आहे.
चांगलं काम या सात जिल्ह्यांमध्ये होईल, उपमुख्यमंत्र्यांची ग्वाही - मी विरोधी पक्ष नेते अजित पवार यांना गुरु मंत्र देतो, सात जिल्ह्यांचे काय घेऊन बसलात ? सात जिल्ह्यांचा मी नियोजन मंत्री आहे. मी महाराष्ट्र सांभाळलेला आहे, मग सात जिल्हे तर सहज सांभाळू शकतो. भविष्यात जर तुमची कधी सत्ता आली, तर तुमच्या कामाला यावं म्हणून मी हा गुरुमंत्र तुम्हालाही देतो. आणि एक चांगलं काम या सात जिल्ह्यांमध्ये होईल याची मी तुम्हाला ग्वाही देतो, असं म्हणत उपमुख्यमंत्री देवेंद्र फडवणीस यांनी विरोधी पक्षनेते अजित पवार यांना निशाणा साधला आहे.
राज्यातील पालकमंत्र्यांची घोषणा झाली आहे. त्या मंत्र्यांमध्येच वाटप झाल्यामुळे उपमुख्यमंत्री देवेंद्र फडणवीस यांच्याकडे सात जिल्ह्याचा नियोजन मंत्री म्हणून कार्यभार देण्यात आलेला आहे. त्यावरून विरोधी पक्ष नेते अजित पवार यांनी टीका केली होती, की मी पुण्याचा एक पालकमंत्री असताना मला सगळं काम करून शक्य होत नव्हतं वेळ पुरत नव्हता. हे सात जिल्ह्याचे नियोजन कसं करणार ? असा प्रश्न अजित पवार यांनी विचारला होता. त्यावर आता उपमुख्यमंत्री देवेंद्र फडवणीस यांनी त्यांना गुरु मंत्र दिला (Devendra Fadnavis criticizes) आहे.
